Is jy alweer terug in jou daaglikse roetine na die vakansie? Voel jy dis weer tyd vir ’n bietjie spa-bederf vir jou en jou vriende en/of geliefde? Ons plaas die kollig op ’n paar lekke spa-wegbreekplekke waar jy lafenis en rus vir jou siel kan vind! Kom ontspan en bederf jouself by een van dié luukse spa-bestemmings. Kliek op die spa se naam vir meer inligting!
Evergreen Manor and Spa, Stellenbosch, Wynlande
‘Evergreen Manor and Spa’ is knus geleë in die historiese kern van Stellenbosch, die hartjie van die Kaapse wynlande. Die herehuis staan onder eeueoue eikebome en is omring deur rotsagtige berge en golwende wynlande, wat dit een van die mooiste en luukste gastehuise in die omgewing maak. Die huis is in 1904 gebou in die weelderige landgoedhuis-styl en bied ou-wêreldse sjarme maar moderne gerief.
Stillness Manor & Spa, Tokai, Kaapstad
Stillness verwelkom jou by sy klassieke Kaap-Hollandse herehuis, omring deur die pragtige wingerde en woude van die Constantiavallei. Stillness Manor en Spa is ’n manjifieke en afgesonderde hotel en spa, bokant Steenberg Gholf-landgoed en die Amerikaanse konsulaat. JoJos@Stillness Spa bied dagbesoekers, sakereisigers en toeriste pragtige gesondheidsgeriewe, en ’n volledige reeks opwindende spa-behandelings.
Lanzerac Hotel & Spa, Stellenbosch, Wynlande
Die Lanzerac Hotel & Spa is op ’n werkende wynlandgoed geleë. Lanzerac is tans een van die mees gesogte hotelle en trou-venues in die wêreld. Lanzerac Landgoed is ideaal geleë om die omgewing se gewilde wynplase en die geskiedkundige dorp Stellenbosch te verken. Plaaslike handwerk- en antiekwinkels, kunsgalerye, museums en bekroonde restaurante is ook gerieflik naby geleë. Lanzerac spog met gasvryheid en ’n ryk erfenis!
5 Mountains Lodge & Spa, Wellington, Boland
5 Mountains Lodge & Spa lê in die beeldskone Bovlei-vallei, aan die voet van die Bainskloofpas. Dit is ’n luukse, eksklusiewe wegbreek-oord in pragtige tuine en wingerde en omring deur die natuurskoon van die majestueuse berge. Gaste kan weelderige verblyf kombineer met bekroonde spa-behandelings, besigtigingstoere, wyntoere, bergfietsry, perdry en stap. Jy kan ook kies om eerder langs die swembad te ontspan. Geniet die gasvryheid van ons vriendelike en behulpsame personeel.
Witwater Safari Lodge en Spa, Waterberg
Witwater is ’n 5-ster lodge in die pragtige, malariavrye Waterberg. Dit is geleë aan die oewers van die Lephalale-rivier en kry sy naam by die wit waters waarvoor die Witwater bekend is. Indrukwekkende elegansie en ’n hartlike verwelkoming wag op jou. Witwater se hartlike verwelkoming en gasvryheid sal by jou bly lank nadat jy hier kom kuier het.
Leeuwenhof Country Lodge & Garden Spa, Modimolle, Waterberg
Leeuwenhof is ’n romantiese Country Lodge & Garden Spa wat in die Waterberg se pragtige natuurskoon geleë is. Dit is net twee ure se ry van Johannesburg Internasionale Lughawe af. Agter ’n indrukwekkende wit hek skuil ’n lang wit gebou in die Kaapse Koloniale styl met skaduryke stoepe wat jou nooi om waarlik te ontspan. Die mooi grasperke word met lowerryke bome en struike afgewissel. ’n Tydlose rustigheid heers met voëls wat sing en beeste en wild wat wei en rondloop.
