Verified Reviews
Karoo
All reviews have been left by LekkeSlaap customers staying in Karoo
Rated 4.2 out of 5 based on 14650 reviews.
"Die dorpie kort beslis meer kaartfasiliteite of ten minste 'n ATM. Dis nogal 'n skok vir die sisteem om nêrens geld te kon trek of 'n kaart te gebruik nie. Daar was net by die Uil-huis 'n kaartmasjien. Gelukkig is die mense in die dorp gaaf genoeg om kontant te gee wanneer jy 'n EFT doen."
"Pragtige omgewing. Ons het vir `n dag na Die Hel gery. Die bergpas is skrikwekkend, maar ook asemrowend. Heerlike etes gehad by die Swartberg Hotel."
"Joubertina is baie klein en daar is nie veel om te doen nie. Die kitsbanke is buite werking en strate is in 'n baie swak toestand."
"Mooi plek, maar nie baie beïndruk nie. Het seker maar te vinnig daar deur gereis. "
"Graaff-Reinet sal veral oorsese besoekers trek, want dit is ryk aan groot geskiedenis, baie geskiedkundige geboue en is besonders ouwêrelds. Vir ons is dit een van die oulikste dorpies in die Karoo!"
"Dis 'n baie rustige en mooi plekkie. Sal definitief weer oor Paasfees daar gaan kuier. "
"Die mense was almal so vriendelik, die restaurante lewer goeie diens, en Saterdagoggend se plaasmark was heerlik! Sal graag weer kom kuier en vriende saambring! Wens ek kon 'n eiendom daar hê."
"Ons gaan baie Nieu-Bethesda toe, maar dit lyk asof die dorp besig is om agteruit te gaan wat baie hartseer is – veral die Two Goats Deli. Al besigheid wat vooruitgaan is Die Waenhuis."
"Net jammer van al die plastiese sakke wat jou begroet wanneer jy naby die dorp is. Die hele veld is vol plastiese rommel. Regtig 'n seeroog. "
"Die omgewing is mooi. Al die geboue is pragtig instandgehou. Dit is werklik 'n oulike dorp, met interessante museums Die Vallei van Verlatenheid is 'n moet. Dit was die hoogtepunt van ons vakansie."
"Dit was goed om vir 'n verandering 'n netjiese en skoon dorp te sien. Die dorp is aansienlik skoner as die meeste dorpe waardeur ons gery het."
"Daar is baie akkomodasie beskikbaa, en gee myns insiens 'n goeie hupstoot vir die ekonomie. Veral in die besige vakansietye."
"Baie om te geniet en te besigtig in en om Prins Albert. Bly ten minste 3 dae om so veel moontlik te benut."
"Baie mooi plekkie, net jammer ons kon nie by die Reinet-huis ingaan nie omdat hulle besig was om die plekkie op te knap. Dit maak wel 'n mens se hart bly dat dit so mooi instandgehou word. Dit is 'n prentjiemooi plek, al die ou huisies en vriendelike mense. Ons hoop om volgende keer langer te vertoef. Dit is 'n moet vir elkeen om daarheen te gaan."
"Graaff-Reinet het my verras! Ons het die hele dorp deurgeloop en ons verkyk aan die mooi gerestoureerde huisies, die interessante koffieplekkies en snuisterywinkeltjies. Die dorp is skoon en tuine is netjies. Die inwoners is almal so vriendelik, en selfs die skoolkinders op hul fietse het ons gegroet! Ons sal moeite doen om volgende keer in Graaff-Reinet oor te bly en nie net deur te ry na ons bestemming nie."
"Al die paaie is nie so goed nie – veral as 'n mens grondpaadjies tot by jou bestemming moet ry."
