Verified Reviews
Karoo
All reviews have been left by LekkeSlaap customers staying in Karoo
Rated 4.2 out of 5 based on 14650 reviews.
"'n Bonus is die toer deur die dorpie op Jakob van Staden se donkiekar. Kry gerus sy nommer by die Uilhuis en kontak hom. Dit was ons hoogtepunt! Hy het groot geword in die omgewing en ken die geskiedenis en die plek soos die palm van sy hand. Die Uilhuis is iets besonders om te besoek. Die dorpie is 'n lafenis vir die rustige reisiger. Skape en Perde loop in die dorpstrate rond. Van die winkeltjies is slegs oop gedurende hoogseisoen. Verskillende staproetes kan in die omgewing gedoen word. Sal aanbeveel dat daar meer as een aand oorgeslaap word. Pragtige murasies en ander opsies vir die entoesiastiese fotograaf. Tieners kan die dorpie dalk as bietjie stil ervaar, maar vir ons was dit 'n lafenis vir die siel!"
"Baie ongekunsteld en platvloers. Ons ete by Bush Pub was heerlik en heel goedkoop. Die Swartbergpas is iets wat mens moet beleef. Ek het al drie keer besoek, in albei rigtings, maar ek sal dit graag weer doen."
"Dis 'n pragtige Karoodorp met 'n ryk geskiedenis en baie besienswaardighede. Beplan om vir 'n paar dae terug te gaan om meer van die besienswaardighede te besoek."
"Gariepdam is 'n ideale halfpad-oornagplek wanneer jy vanaf Gauteng na die kus reis. Ek het al by 'n hele paar plekke oornag en die meeste is heel geskik om die basiese aan te bied. Ek het egter nog nie die ideale plek waarheen ek elke keer wil teruggaan, ontdek nie (behalwe miskien Forever-oord). Aangesien tariewe meestal per persoon is, raak dit redelik duur indien die groep meer as 2 persone is."
"Maak gerus by Nonstop Fitment Centre 'n halweg-stop vir jou motor se meganiese checkup. Victor is die eienaar en gaan uit sy pad om jou te help. My slaapwa se wielbearings het verloor en hy het sy sleepwa s'n afgehaal om my te help. Baie dankie daarvoor."
"Stil Karoodorpie totdat jy rondbeweeg en al die lekker ervaar. Dis voorwaar manna vir die siel. "
"Het 'n "liefde" vir Prins Albert ontwikkel. Sal weer gaan kuier. Was net te laat vir die kerkbasaar."
"Great for a weekend stay. Tranquil and has the closeness of Meiringspoort, Swartberg Pass and Die Hel!"
"Stil dorpie wat meer aandag aan hul restaurante kan gee. Kos nie so goed nie, vaal en smaakloos. Verwag in Colesberg lekker skaaptjoppies siende dat dit in die Karoo is. "
"Hier is niks te doen nie - perfek. Jy kan jou reisgenote geniet en in ontspanne atmosfeer bymekaar uitkom."
"Blue Room is die enigste eetplek op die dorp. Baie lekker kos by die Camdeboo-padstal. Panele in die kerksaal baie besonders. Die kerk is indrukwekkend. Daar is `n paar fantastiese huise uit die dorp se gloriedae. Doen die sirkelroete via Murraysburg en Graaff-Reinet - wonderlike landskappe. En Aberdeen is net `n halfuur se ry van Graaff-Reinet af. "
"Colesberg is pragtig en die ontwikkelinge maak dit vir reisigers 'n aantreklike halfpad oornag of stop om net te verfris. Oulike restaurant en gasvrye mense in die dorp."
"Mense is baie vriendelik. Geen bedelaars wat ons gepla het nie. Dorpie is baie skoon en rustige area."
"A charming small town with really active townsfolk doing all kinds of interesting things. Well situated stop-over for those going the Swartberg/Gamkaskloof way."
