Was heerlik, sal definitief weer kom en ook aanbeveel vir vriende. Ons het heerlik gebly en baie gemaklik, alles wat ons benodig gehad het, was beskikbaar.

Fantastiese, ruim woonstel met asemrowende uitsig. Breakerview Bay 32 is 'n juweel! Ons was 3 volwassenes en 2 kinders. Die woonstel het meer as genoeg plek gehad vir ons en is goed toegerus met alles wat ons nodig gehad het. Die uitsig oor die strand is beslis 'n uitstaande hoogtepunt! 'n Kortkoppie agter die uitsig is die direkte toegang tot die pragtige strand, wat nooit besonder vol was nie. Die kinders het hulle gate uit geniet! Dirk het ons verblyf baie goed bestuur, en was altyd beskikbaar en pro-aktief met sy reëlings. Enigste ding wat gekarring het was dat die munisipaliteit duidelik nie hulle sake goed bestuur nie. Ons het ekstra "beurte" gekry met beurtkrag, en dit het soms die watertoevoer beïnvloed. Dit het egter glad nie gekeer dat ons 'n ongelooflike tyd gehad het nie, en daar is per slot van rekening niks wat die eienaars daaraan kan doen nie! Ek sal Breakerview Bay 32 hoogs aanbeveel!

Puik. Die uitsig is asemrowend en die eenheid is netjies en ruimtelik. Sal dit enige dag aanbeveel.

Uitstekend. Die verblyf voldoen aan al my vereistes en nog meer. Ons was so gemaklik en gerieflik. Die uitsig van die balkon af is asemrowend, en ek het amper heeldag walvisse en dolfyne gesien. Ek kom vinnig weer.

Baie lekker gebly. Ons het die verblyf baie geniet en sal weer daar tuis gaan. Die huis is lekker ruim en die uitsig was stunning.

Voel tuis by die see. Breakerview Bay is 'n baie netjiese kompleks met uitstekende sekuriteit. Die swembad is silwerskoon en tuine word pragtig onderhou. Die "penthouse" eenheid is ruim, goed toegerus en bied alles wat nodig is om in gemak heerlik te kan vakansie hou. Die eenheid het moontlik die beste ligging in die kompleks in terme van uitsig. Mens voel sommer baie tuis. Die uitsig is fantasties en ja, ons het die dolfyne oor die baai sien swem. Dis 'n kort stappie met 'n rits trappies af uit by die kompleks en 'n kort paadjie deur die duine dan is mens op die pragtige, lang, uitgestrekte wit strand. Daar is lewensredders aan diens by die swemstrand waarna mens maklik stap, selfs met klein kinders en al die strand-kapaas. Die strand by Trafalgar was skoon met baie tekens van 'n ryk verskeidenheid seelewe. Mens kan oorstap tot by 'n volgende swemstrand met rotspoele en daar lyk my vang die manne vis, maar dis bietjie besiger daar. Ek moet noem dat die getypoel by Trafalgar vol sand is en dien nie meer sy doel as swempoel nie, so die strand is nie besonders kindervriendelik nie, al het my kleingoed heerlik sandkastele gebou, skulpe en seewiere opgetel, krappies gejaag en in die vlak water geplas. Die gasheer is besonders behulpsaam en ek kan hierdie skat van 'n LekkeSlaap-plek baie hoog aanbeveel.