Beskrywing

503 Nautica is 'n pragtige vakansie-woonstel met 'n lieflike see-uitsig in die kusvoorstad Table View. Dié voorstad is aan die Blaauwberg-kus, net 20 minute se ry vanaf Kaapstad se middestad en die ideale basis vir diegene wat die Kaap wil verken.

Die woonstel front na die see, bied slaapplek aan 7 gaste en het 4 slaapkamers. Die hoofslaapkamer het 'n koninggrootte-bed en 'n balkon. Twee van die kamers het 2 enkelbeddens elk en die vierde kamer het 1 enkelbed.

Die kombuis is toegerus met 'n yskas-vrieskas, stoof, oond, mikrogolf en skottelgoedwasser. Daar is 'n wasmasjien en tuimeldroër in een van die badkamers. Ander geriewe sluit 'n TV met DStv, WiFi en 'n gemeenskaplike swembad en braai-area in.

Die strand is ideaal vir watersport soos seilplank- en vlieërbranderry en ander doendinge in die omtrek sluit vierwielmotorfiets, voetslaan, inkopies en uiteet in.