Beskrywing

AC506 - An Der Waterkant is 'n ruim selfsorgwoonstel op die tweede verdieping van die An Der Waterkant-kompleks oorkant die Super Spar in Swakopmund. Die gebou is net 50 m van die hoofstrand af en naby verskeie restaurante en winkels. Dis ideaal vir gaste wat die dorp te voet wil verken.

Die woonstel bied slaapplek aan 4 gaste en beskik oor 2 slaapkamers, 'n badkamer, gastetoilet en 'n oopplan-kombuis, -leefarea en -eetarea. Die eerste slaapkamer het 'n dubbelbed en die tweede slaapkamer het 2 enkelbeddens wat teen mekaar gestoot kan word. Die badkamer het 'n bad, stort, toilet en 'n wasbak.

Die kombuis is met 'n stoof, oond, yskas-vrieskas, mikrogolfoond en 'n ketel toegerus. Die eetarea het 'n etenstafel met sitplek vir 6 gaste en die sitkamer het 'n platskerm-TV met DStv. Veilige parkeerplek word in 'n dubbelmotorhuis gebied.