Aliwal Anchorage

Gastehuis

Gratis kansellasie tot 1 week voor jou verblyf!
Kapasiteit: 2 persone
Geen kinders onder 5
Inkloktyd: 14:00 tot 18:00
Uitkloktyd: 10:00
Adres: Exter Place 2, Widenham, 4170, KwaZulu-Natal
Vanaf R770 per nag, vir 2 mense

Beskrywing

Aliwal Anchorage is in Widenham en bied gehalteverblyf aan 'n paartjie of sakereisiger. Dit is naby verskeie winkels, restaurante, die strand, aktiwiteite en besienswaardighede.

Verblyf is beskikbaar op 'n residensiële perseel in 'n stil woonbuurt. Daar is 'n koningingrootte-bed wat geskik is vir 2 gaste. Ander geriewe sluit 'n plafonwaaier, kluis, insek-skerms op van die vensters, tee- en koffiemaakgeriewe, gratis gasvryheidskinkbord en 'n yskassie in. Daar is nie kookgeriewe nie. Die oopplan-badkamer het 'n reënstort, spieëlkas, toilet en wasbak. Dit het nie ’n deur nie.

Gratis WiFi word voorsien en daar is 'n opvoubare lessenaar vir sakereisigers. Daar is ook 4 USB-kragpunte in die kamer.

Die skuifdeur lei na 'n tuin waar gaste onder 'n boom kan sit en ontspan terwyl hulle 'n koppie koffie drink. Stoele en 'n tafel word ook buite voorsien. Ontbyt is 'n opsionele ekstra en kan op die dek bedien word as die weer dit toelaat, met 'n uitsig oor 'n groen vallei en oor die see in die verte.

Veilige parkeerplek is vir 1 voertuig op die perseel beskikbaar langs die oprit, wat redelik steil is, want die eiendom is op 'n heuwel. Die huis is 800 m vanaf die naaste strandpad.

Widenham is 'n baie rustige woongebied wat grens aan die dorpie, Umkomaas. Daar is baie min winkels in Umkomaas, maar daar is 'n paar restaurante, 'n KFC, en ook 'n SuperSpar vir daaglikse benodigdhede.

Die area is wêreldbekend vir sy toegang tot die Aliwal Reef waar gaste kan skubaduik, haaihokduik en visvang. Verskeie huurbote vertrek vanaf Umkomaas. Daar is ook 'n pragtige gholfbaan, goed versorgde rolbalbane en 'n Park Run oorkant die rivier in Ilfracombe. Ander geriewe naby sluit gholfbane, veldrafroetes en pragtige strande met 'n paar lieflike snorkelplekke in.

Kry ’n Kwotasie