Ancient Emperor Guest Estate

Gastehuis

Kapasiteit: 10 persone
Alle ouderdomme is welkom
Inkloktyd: 15:00 tot 19:00
Uitkloktyd: 10:00
Adres: 21 Postma Straat, , Potchefstroom, 2531, Noordwes
Vanaf R1 950 per nag, vir 2 mense
TGCSA-gradering:

Beskrywing

Ancient Emperor Guest Estate is 'n landgoed met 'n Romeinse tema in Potchefstroom. Dit is op die N12 Treasure Route geleë en gebou op die oewer van die Mooirivier. Dit is netjies weggesteek van die rep en roer van die klein stad. Ons is 'n uitstekende keuse vir sakereisigers en vakansiegangers en nooi jou uit om ons toevlugsoord van kalmte en informele elegansie te kom ervaar. Hier sal jy ons kenmerkende atmosfeer beleef: elegant, bekoorlik en nie meer aldag te vinde nie. Hartlike gasvryheid, uitstekende gemak en entoesiastiese en professionele diens wag op jou.

Verblyf word aangebied in 5 pragtig ingerigte kamers. Al die kamers het volledige lugversorging, bied privaat toegang, 'n TV met M-Net en sekere DStv-kanale, 'n yskassie met peuselhappies en drankies en tee- en koffiemaakgeriewe. Ander geriewe in die kamer sluit in: 'n haardroër, wit katoen japonne en pantoffels, 'n radiowekker en 'n kluis. Geniet die pragtige uitsig vanuit jou venster. Word wakker met die getjilp van voëltjies of stap die paar meter na die rivier om te hoor hoe dit borrel en bruis soos die afwaarts vloei.

Ons bied 'n volledige Engelse en Kontinentale ontbyt asook internet-, faks- en kopieër-geriewe. Veilige parkeerplek is op jou drumpel beskikbaar en daar is ook 'n skitterende plonspoel vir jou genot.

Besienswaardighede en geriewe in die nabyheid sluit in: die Mediclinic en Mooimed-Hospitaal, die Potchefstroom Buiteklub, die bekende OPM Prozesky Voël-bewarea en die nuutste Wêrelderfenisgebied: die Vredefortkoepel. Daar is ook baie gewilde wild-lodges in die omgewing.

Kry ’n Kwotasie