Annie's Inn

Gastehuis

Kapasiteit: 12 persone
Alle ouderdomme is welkom
Inkloktyd: 13:00 tot 21:00
Uitkloktyd: 10:00
Adres: Van der Spuy-straat 3, Williston, 8920, Noord-Kaap
Vanaf R600 per nag, vir 2 mense

Beskrywing

Annie's Inn is in die pragtige Karoo-dorp Williston in die Noord-kaap geleë. Gaste kan oop ruimtes, vars en helder lug, veiligheid en fantastiese gasvryheid in die Karoo verwag, asook die gasvryheid van die eienaar, wat op die perseel woon.

Verblyf word in 3 gastekamers, 3 karavaanstaanplekke en 2 tentstaanplekke gebied. Die slaapkamers het dubbelbeddens en enkelbeddens, linne en handdoeke, TV's en koffie- en teemaakgeriewe. Braaigeriewe, 'n swembad en veilige parkeerplek is beskikbaar. Die kampeerplekke bied netjiese ablusiegeriewe met storte en toilette, water- en kragpunte by die kampeelplek en baie plek vir 'n kampvuur, asook toegang tot die gemeenskaplike swembad.

Die huis het 'n lieflike groot stoep, 'n swembad en 'n groot tuin waar gaste skemerkelkies in die somer kan geniet. In die huis is daar 'n knus sitarea met 'n kaggel waar gaste in die winter kan ontspan. Die kampstaanplekke laat gaste toe om die pragtige sterrehemel van die Karoo saans te waardeer.

Die gastehuis en kampeerplek is stapafstand vanaf winkels en die restaurant in die middedorp. Gaste moet hulle stapstewels onthou, want daar is 'n hele paar stappaaie om die dorp.

Kry ’n Kwotasie