Sal beslis weer kuier! Bali Hai was lieflik skoon en netjies. Die skoonmakers was vriendelik! Ons het vreeslik lekker gebly en sal definitief weer terugkeer. Die hoogtepunt was natuurlik die pragtige uitsig!

Nice plek. Net baie vuil gewees en linne nie skoon nie. Stel voor plek word goed skoongemaak en kry nuwe linne. Fitted sheet pas skaars oor matras.

Bietjie teleurstellend. Die eenheid was nie ordentlik skoongemaak, daar was nie eers toiletpapier of enige skoonmaakmiddels nie. Indien hul dit duidelik gemaak het, het ons geweet hoe om te beplan.

Lieflike plek met administratiewe beslommernisse en steurnisse. Dit is ‘n pragtige en moderne eenheid met ‘n lieflike uitsig. Skoonmakers het elke dag baie mooi skoongemaak. Dit is ongerieflik om in Westbrook tuis te gaan, maar die sleutel in Ballito by Chas Everitt te moet gaan haal en teruggee. Die parkeerplekke is baie klein en nr. 402 se parkeerplek is nie op dieselfde vlak as die hysbak nie wat dit ongerieflik maak vir op en aflaai. Ons het Sondagmiddag daar aangekom en Dinsdag uitgevind dat die tuimeldroër nie werk nie. Dit is aan Chass Everitt gerapporteer. Die Donderdag het die agent van Chass Everitt ‘n boodskap op my foon gelos dat hulle eers die volgende Maandag (ons vertrekdatum) iemand sou kry om na die tuimeldroër te kyk. Die Saterdagmiddag het die opsigter terwyl ons geslaap het aan die deur geklop en laat weet iemand kom nou na die tuimeldroër kyk - geen kennisgewing en teen die kompleksreëls dat geen herstelwerk na 12:00 op ‘n Saterdag gedoen mag word nie. Die fanbelt is verwyder en daar is net vir ons aangedui dat hulle voorheen al nie parte kon kry vir die tuimeldroër nie. Nieteenstaande word die eenheid met ‘n werkende tuimeldroër geadverteer. Die opsigter het ook tydig en ontydig aan die deur geklop om remotes in en uit te stel ens. Dit was nogal steurend. Terselfdertyd het die agent gereeld kontak gemaak oor administratiewe vorms wat hulle herhaaldelik voltooi wou hê. Ons het 9 Maart vertrek. Ek het eers op 17 Maart na 3 versoeke my breekskadedeposito teruggekry. Dit is onaanvaarbaar dat agente so lank neem om deposito’s terug te betaal. (Ons het die volle deposito teruggekry). Hoewel dit ‘n baie mooi plek met ‘n lieflike uitsig was sal al die administrasie en steurnisse my 2 keer laat dink voor ek weer daar sal gaan bly.

Mooi modern maar vuil! Sleutels is slegs in Ballito beskikbaar en moet ook weer daar afgegee word. (19 km heen en weer). Die plekkie is baie mooi en modern, maar daar is 2 skoonmaak dienste. Die personeel is baie behulpsaam en hul skoonmakers doen net vloere, badkamers en maak die beddens op. (Voor 16:00 as jy gelukkig is) Hulle voorsien 2 toiletpapierrolletjies en 2 klein sepies, dit is al. Geen skoon handdoeke of beddegoed vir 'n volle week. Die opsigter is nêrens te siene en sy skoonmakers het nie die woonstel skoongemaak nie. Meubels, mure, kaste en laaie is baie vuil. Ons moes die vorige vakansiegangers se skottelgoed weer was. Dit was of taai, of vol vetmerke of het nog aanpaksels met vorige kosse gehad. Die stoof was baie baie aangepak. Geen skottelgoedseep maar wel 1 sponsie, 1 baie dun piepklein waslappie en 11 stukkend afdroogvadoeke. Nie aangenaam nie. Daar was 52 items op die inventaris lys wat nie korrek was nie. Daar was ook 3 volwasse dames. (ook van Bali Hai) wat drank in glas glase by die swembad geniet het en het met naak bolywe geswem het. Sal nie weer van Bali Hai gebruik maak nie. Dit is jammer, want die plek het potensiaal.