Bali Hai 603

Selfsorg

Kapasiteit: 6 persone
Alle ouderdomme is welkom
Inkloktyd: 14:00 tot 23:00
Uitkloktyd: 10:00
Adres: North Beach-weg 37, Westbrook, 4420, KwaZulu-Natal
Vanaf R1 792 per nag (plek vir 6)

Beskrywing

Bali Hai 603 is 'n selfsorgwoonstel oorkant die strand in Westbrook. Doendinge in die omgewing sluit swem, visvang en duik in. Dolfyne en walvisse maak ook gereeld hul verskyning.

Die woonstel het 3 slaapkamers met 2 badkamers en daar is lugversorging. Dit is op die sesde vloer geleë en daar is 'n hysbak vir gaste se gebruik. Elke slaapkamer beskik oor 'n dubbelbed en daar is 'n TV met DStv in die hoofslaapkamer en sitkamer. Die badkamer het bad- en stortgeriewe, maar gaste moet hul eie handdoeke saambring.

Die verblyf het noodligte in die geval van kragonderbrekings.

Die kombuis is volledig toegerus vir selfsorg en beskik oor 'n mikrogolfoond, stoof, oond, yskas-vrieskas en 'n skottelgoedwasser. WiFi is beskikbaar.

Skuifdeure lei van die sitkamer na die onderdak-balkon wat lieflike uitsigte oor die see en die swembad in die kompleks bied. Daar is ook 'n gasbraai en stoepmeubels op die balkon. Die kompleks het 'n restaurant op die perseel.

Kry ’n Kwotasie