Beach Vibes

Beskrywing

Beach Vibes is 'n ruim selfsorg-vakansiewoonstel in die hartjie van Clifton se kusarea. Dit is ideaal vir 'n groep vriende of 'n gesin wat die pragtige moederstad wil verken.

Die woonstel bied slaapplek aan 6 gaste en beskik oor 3 en suite-badkamers. Die hoofslaapkamer het 'n koninggrootte-bed en 'n en suite-badkamer met 'n bad en 'n stort. Die tweede slaapkamer het 2 enkelbeddens en die derde slaapkamer het 'n dubbelbed. Albei hierdie slaapkamers het 'n en suite-badkamer met 'n stort. Alle linne en badhanddoeke word voorsien, maar gaste moet asb. hul eie swemhanddoeke saambring.

Die lugtige oopplan-leefarea het 'n kombuis wat met 'n stoof, oond, mikrogolfoond, yskas-vrieskas, eetgerei, breekwaare, asook 'n ontbyttoonbank met stoele toegerus is. Daar is ook 'n etenstafel en 'n knus sitarea met gemaklike sitplek en 'n TV. Toegang tot gratis WiFi is beskikbaar.

Die skuifdeur lei na 'n beskutte balkon met 'n etenstafel en braaigeriewe en dit is die ideale plek vir 'n skemerkelkie. Gaste het ook toegang tot die gemeenskaplike terras op die dak. Die woonstel is reg oorkant die pad van die strand geleë en is gerieflik naby vervoerverbindings.