Bluegum Cottage @ The Garlic House

Selfsorg

Gratis kansellasie tot 24 uur voor jou verblyf!
Kapasiteit: 6 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Butlerstraat 7, Smithfield, 9966, Vrystaat
Vanaf R2 250 per nag, vir 6 mense

Beskrywing

Die verblyf is B&B- en selfsorgverblyf in een, met gehalte beddens en linne, elektriese komberse, DStv, gratis WiFi, 'n ruim badkamer, kombuis-, eet- en sitarea en alles wat jy sou benodig vir gemaklike verblyf. Hierdie verblyf het 'n kragopwekker vir beurtkrag.

Die Bluegum Cottage is op 'n groot, privaat perseel met oorgenoeg parkerplek van die straat af geleë en is in 'n rustige area in Smithfiled. Dit is ook verg van die klanke van die verkeer op die N6 wat deur die dorp loop. Privaatheid, vrede en stilte verseker 'n goeie nagrus.

Daar is 3 kamers in die eenheid, 2 slaapkamers met koningingrootte-beddens en nog 'n ruim kamer wat dien as die kombuis/eet/sit-area en 2 enkelbeddens. Een van die kamers op die boonste verdieping (steil trappe, nie geskik vir bejaardes) het 'n groot balkon met uitsigte oor Smithfield en ons "berg"! Groot vensters voorsien lekker baie natuurlike lig en uitsigte oor die plaastuin.

Die eienaar, Kitty Schneider, was 'n juwelier-kunstenaar wie se unieke smaak die kothuis iets spesiaal maak. Handgemaakte trappe met stukkies gebreekte bord en glas by die ingang, 'n stortvloer wat bestaan uit klippies wat by die strand opgetel is, en handgemaakte diefwering in die vorm van voëls, visse, katte en blomme is net 'n paar voorbeelde van die aandag wat sy geskenk het om hierdie plekkie 'n unieke ervaring te maak. Die kothuis is ook ruim en eenvoudig.

Daar is 2 honde en 3 katte op die perseel so diere is welkom indien dit vooraf gereël word. Daar is heelwat plek vir kinders om rond te hardloop. Gratis WiFi is beskikbaar. Kitty maak ook aandete vir gaste indien hulle dit vooraf reël. Ontbytgraan, tee en koffie is ingesluit by die tarief.

Kry ’n Kwotasie