Boulevard Bonanza

Selfsorg

Langtermynverblyf-aanbod 20% af

Kry 20% af vir verblyf wat 6 nagte of langer is. Geldig vir verblyf vanaf 16 Jan 2024 tot 30 Nov 2024.

Kapasiteit: 6 persone
Alle ouderdomme is welkom
Inkloktyd: 14:00 tot 23:00
Uitkloktyd: 10:00
Adres: Harley-straat 3, Margate-boulevard, Margate, 4295, KwaZulu-Natal
Vanaf R2 300 per nag (plek vir 6)

Beskrywing

Boulevard Bonanza is 'n privaat dakwoonstel in 'n woonstelkompleks in Margate. Die woonstel spog met 'n mooi see-uitsig vanuit die hoofslaapkamer, die leefareas en van die kombuis af.

Die woonstel het slaapplek vir 6 gaste en beskik oor 3 slaapkamers, 2 badkamers en 'n oopplan-leefarea wat 'n kombuis het. Die hoofslaapkamer het 'n koninggrootte-bed en 'n en suite-badkamer met 'n spa-bad, stort en 'n dubbelwasbak. Daar is 'n koningingrootte-bed in die tweede slaapkamer en die derde slaapkamer het 2 driekwartbeddens. Hierdie kamers deel die tweede badkamer wat 'n bad en 'n stort het.

Die kombuis is met 'n yskas-vrieskas, stoof, oond, mikrogolf, waterfiltreerder, skottelgoedwasser, wasmasjien en 'n tuimeldroër toegerus. Maaltye kan by die kroegtoonbank binne of op die balkon buite genuttig word. Die balkon word deur skuifdeure vanaf die kombuis bereik. Daar is lugversorging, 'n TV met DStv, 'n gemaklike rusbank, 'n etenstafel met sitplek vir 6 en 'n kroegarea met 'n ysmasjien in die leefarea. Die woonstel het 'n ruim balkon met 'n see-uitsig en hier is oorgenoeg sitplek, 'n etenstafel vir buitelugetes, asook braaigeriewe.

Daar is 2 veilige parkeerplekke met toegang tot 'n hysbak. Die kompleks is naby die strand, restaurante, kroeë, klubs en winkels.

Die verblyf het 'n omsetter wat noodsaaklikhede in die geval van beurtkrag aanhou. Gaste kan sekere ligte gebruik, selfone laai, die TV en yskassie gebruik. Dit is belangrik dat gaste nie waaiers, die stoof of haardroërs tydens beurtkrag gebruik nie.

Kry ’n Kwotasie