Beskrywing

The Milkyway Moi Signature Luxury Home is 'n selfsorgvakansiehuis op 'n spoggerige landgoed. Dié landgoed lê in die skadu van die Waterbergreeks en beslaan 1600 hektaar bosveld.

Hierdie luukse selfsorghuis het slaapplek vir 12 mense in 4 en suite-slaapkamers met lugversorging. Daar is koningingrootte-beddens in 2 van die slaapkamers en 2 enkelbeddens in elkeen van die ander 2 slaapkamers. Die 2 slaapkamers op die boonste verdieping het elkeen 'n solder met 'n driekwartbed wat ideaal is vir kinders aangesien daar 'n leer is. Daar kan 2 kinders onder 5 jaar op elke driekwartbed in die solder slaap.

Die kombuis is ten volle toegerus vir selfsorgdoeleindes en beskik oor al die toebehore, soos 'n stoof, oond, yskas-vrieskas, mikrogolfoond, potte, panne, wasmasjien en tuimeldroër. Die kombuis, eetarea en sitkamerarea is oopplan met 'n kaggel in die middel van die vertrek. Die sitkamer beskik oor gemaklike leerrusbank en 'n platskerm-TV met DStv. Die eetarea het plek vir 10 gaste. Die sitkamer vloei na die onderdakvermaak-area met buitemeubels, sowel as 'n ingeboude braai, 'n Weber-braai en 'n swembad met 'n veiligheidsnet. Gaste kan van hier af die uitstekende uitsig bewonder.

Op die boonste verdieping is daar 'n pool-kamer met 'n kaggel wat toegang bied tot die stoep met buitemeubels, 'n Jacuzzi en 'n uitsig oor die 13de putjie. Aan die regterkant van die huis is daar 'n lapa met 'n vuurput, 'n ingeboude kroeg en 'n buite-etenstafel. Daar is ook 'n boma met 'n vuurput waar gaste lekker onder die sterre kan kuier. Onderdakparkeerplek is vir 4 motors beskikbaar. 'n Skoonmaakdiens is ingesluit, behalwe op Woensdae en openbare vakansiedae.