Chaka's Rock Chalets 56

Beskrywing

Chaka's Rock Chalets 56 is 'n selfsorgwoonstel in 'n veilige kompleks in die hartjie van Shaka's Rock, Ballito. Dit is 'n wonderlike opsie vir 'n wegbreek aan die Dolfynkus aangesien die kompleks 'n uitnodigende swembad het.

Dié woonstel bied gerieflike slaapplek aan 2 gaste en beskik oor 1 slaapkamer en 'n badkamer. Die slaapkamer het 'n dubbelbed en die badkamer het 'n stort, wasbak en toilet. Alle linne en badhanddoeke word voorsien, maar gaste moet asb. hul eie strandhanddoeke saambring.

Die knus oopplan-leefarea beskik oor 'n kombuis wat met 'n stoof, oond, mikrogolf, yskas-vrieskas, eetgerei, breekware en 'n toonbank met stoele toegerus is. Die kombuis lei na 'n sitarea met gemaklike sitplek en 'n TV met stroomdienste. Gratis WiFi is beskikbaar.

Dié leefarea lei na 'n privaat stoep met braaigeriewe. Gaste het volle toegang tot die oord se geriewe, insluitend putt-putt, 'n swembad, 'n reuse-skaakbord en 'n kinderspeelarea. Die verblyf is 5 minute se ry vanaf die strand, winkels en restaurante.