David's Cottage

Selfsorg

Kapasiteit: 8 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Lamont Boerdery, Johnson's Post, Mosselbaai, 6504, Wes-Kaap
Vanaf R2 600 per nag, vir 8 mense

Beskrywing

David's Cottage is 'n goed toegeruste huis op 'n werkende skaapplaas. Buiten die skaapboerdery op die plaas bied ons ook die geleentheid om springbokke, swartwildebeeste, elande, alpakkas en sebras te sien.

Die kothuis is toegerus vir 8 tot 10 gaste en daar is 4 slaapkamers met 4 en suite-badkamers. Twee van die kamers het koningingrootte-beddens en die ander 2 het elkeen 2 enkelbeddens. Elke bed het 'n elektriese kombers. Daar is 3 badkamers wat elkeen 'n stort, wasbak en toilet het, terwyl die vierde kamer 'n bad, stort, wasbak en toilet het. Linne en handdoeke word voorsien, maar bring jou eie strandhanddoeke.

Daar is ook waaiers vir die somer en verwarmers, asook elektriese komberse vir die winter beskikbaar.

Die kombuis is toegerus met 'n gas/elektriese stoof met 4 stoofplate en 'n elektriese oond, mikrogolfoond, yskas-vrieskas, broodrooster en koffiemaker. Die ontspanningsarea het 'n binne-braai met 'n eetkamertafel en 8 stoele. Daar is ook 'n braai-area buite beskikbaar.

Daar is geen TV of WiFi nie en troeteldiere word nie toegelaat nie.

Ons het drinkbare plaaswater, maar gaste kan vir veiligheid maar ook hul eie gebottelde drinkwater saambring.

Ontspan gerus op die patio en beleef die beeldskone sonsondergange oor die Gouritsrivier en die Langeberge terwyl jy luister na die gedreun van die see wat slegs 6 km van ons af is. Indien jy moeg is vir braai of jou eie maaltye voorberei, is daar verskeie plaas-restaurante in die omgewing wat heerlike, hartlike boerekos bedien.

Aktiwiteite in die omgewing sluit visvang, piekniek, 4x4-duinritte, wildkyk, aalwynplase en gin-, wyn- en olyfproe in. Strande soos Vleesbaai en Gouritsmond is ook net 'n paar km ver. Daar is ook 'n hele paar visvangplekke teen die 10 km rivierfront van die Gouritsrivier wat deur die plaas loop.

'n Houtvuurwarmbad en hout is teen ekstra koste beskikbaar.

Kry ’n Kwotasie