Beskrywing

Fairway Cottage is 'n lieflike selfsorg-ateljeewoonstel in Port Edward en vorm deel van die eienaar se huis. Die instansie is oorkant die gholfklub waar daar 'n lekker restaurant en kroeg is. Port Edward is 'n klein vakansie- en vissersdorpie met menigde aktiwiteite, soos avontuurroetes, voetslaanpaaie en kloofkyk. Daar is ook talle koddige winkeltjies, restaurante, 'n pragtige hoofstrand met lewensredders en afgeslote strande.

Die gesellige kothuis het slaapplek vir 2 gaste wat vir gemeenskaplike gebruik ingerig is met 'n slaaparea, badkamer en 'n kombuisie. DIe eenheid het 'n dubbelbed n 'n badkamer met 'n stort, toilet en wasbak. Daar kan op versoek reëlings getref word vir nog 'n ekstra kind indine nodig. Linne en badhanddoeke word voorsien.

Die kamer het 'n platskerm-TV met OpenView-kanale, 'n yskassie en tee- en koffiemaakgeriewe. Gratis WiFi is beskikbaar. Die kombuisie is met 'n mikrogolfoond, ketel en broodrooster toegerus en 'n tweeplaatstoof is op versoek beskikbaar.

Buite is daar 'n privaat stoep wat oor die groot tuin uitkyk waar gaste kan braai en skemerkelkies geniet. Die eenheid het 'n aparte ingang en veilige parkeerplek op die perseel. Klein honde is op gaste se eie risiko welkom.