Headlands House Guest Lodge

Gastehuis

Spesiale Aanbod 20% af

Kry 20% af. Geldig vir verblyf vanaf 29 Okt 2024 tot 30 Nov 2024.

Kapasiteit: 12 persone
Alle ouderdomme is welkom
Inkloktyd: 14:00 tot 19:00
Uitkloktyd: 11:00
Adres: Coney Glen-rylaan 50, The Heads, Knysna, 6570, Wes-Kaap
Vanaf R2 790 per nag, vir 2 mense
TGCSA-gradering:

Beskrywing

Headlands House is 'n luukse 4-ster-lodge op die hoogste punt van die bekende Knysna-koppe!

Headlands House se dramatiese ligging bied asemrowende uitsigte. Die panoramiese uitsig oor die Knysna-strandmeer en die Outeniekwaberge sal jou gaande hê!

Headlands House word al vir meer as 11 jaar deur 'n bekwame, professionele span bestuur. Afgesien van ons pragtige ligging, sal jy ook reeds met die intrapslag op die hande gedra word. Ons deel mildelik raad en bespreek wonderlike daguitstappies, uitstekende restaurante en gholfbane.

Dié huis het 6 luukse en suite-kamers met privaat balkonne wat uitsigte op die majestueuse bergkoppe, die kragtige Indiese Oseaan, die sprokiesmooi Knysna-strandmeer en die Outeniekwaberge bied. Kraakvars katoenperkallinne word voorsien en die antieke meubels is met die die hand uitgesoek. Dié luukse gastehuis spog met 'n privaat sitkamer, 'n kroegie en 'n uitsonderlike swembad op die randjie van 'n krans. Die uitkykdek onder die swembad is die perfekte plek om die asemrowende uitsigte te bewonder terwyl jy aan 'n glasie vonkelwyn teug.

Daar is tientalle doendinge rondom Headlands House. Gaan speel gerus 'n potjie gholf by die Knysna-, Simola- en Pezula-gholfbaan. Daar is ook tientalle strande hier naby waar 'n mens lekker kan stap en swem. Buffelsbaai, Brenton on Sea en Leisure Isle is net af met die bult. Sluit 'n lekker rustige dag af met 'n bootrit op die Knysna-strandmeer en geniet die asemrowende sonsondergang.

Kry ’n Kwotasie