Hello Kruger

Selfsorg

Gratis kansellasie tot 1 week voor jou verblyf!
Kapasiteit: 6 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Geelslangstraat 2140, Marlothpark, 1320, Mpumalanga
Vanaf R795 per nag (plek vir 2)

Beskrywing

Hideaway Cottage bied gerieflike selfsorgverblyf in 2 kothuise wat in die bos skuil. Die kothuis is ideaal in Marlothpark geleë, en lekker naby die heining wat aan die Krugerwildtuin grens.

Die Hideaway-kothuis beskik oor 2 slaapkamers en bied slaapplek aan 4 gaste. Die hoofslaapkamer het 'n koningingrootte-bed en die tweede slaapkamer het 'n dubbelbed. Albei beddens het muskietnette. Die bome rondom die kothuis hou dit lekker koel, en daar is ook lugversorging in elke kamer. Beide bad- en stortgeriewe is beskikbaar. Die kothuis het ook ’n oopplan-kombuis en sitarea. Die kombuis is toegerus vir selfsorg met ’n yskas, stoof, oond en mikrogolfoond. Daar is ook gratis WiFi, braaigeriewe en ’n privaat plonspoel.

Hello Kruger Skilpad beskik oor 1 slaapkamer met ’n dubbelbed en ’n badkamer met ’n stort. Daar is ook ’n kombuisie met ’n buite-area.

Gaste kan die uitsig oor 'n privaat watergat geniet, wat gereeld deur wild, soos koedoes, vlakvarke, duikers en rooibokke besoek word. Die huis is uniek omdat dit op 'n groot stuk grond wat oor die park uitkyk gebou is. Die park is ongerep en wag net om verken te word. 'n Tafel en stoele bied 'n uitsig oor die park en is ideaal vir buite eet, 'n bietjie voëlkyk of om met 'n boek te ontspan. Daar is ook 'n buitestort om af te koel of om die ervaring van 'n stort buite in die bos te geniet.

Marlothpark is 'n plek waar wild en mense saam bestaan. Gaste kan die natuurlewe fyn dophou en van 'n ongelooflike boservaring verseker wees. Stap rustig of ry fiets al langs die Krokodilrivier in die Krugerwildtuin, en hou jou oë vir die Groot 5 oop.

Een van die Krugerwildtuin se toegangshekke is 22 km vanaf Marlothpark, en daar is ook plaaslike winkels en restaurante in die omgewing.

Kry ’n Kwotasie