HoneyBush Lodge

Selfsorg

Kapasiteit: 10 persone
Alle ouderdomme is welkom
Inkloktyd: 14:00 tot 23:00
Uitkloktyd: 09:00
Adres: Leguanlaan 2170, Marlothpark, 1321, Mpumalanga
Vanaf R2 500 per nag (plek vir 10)

Beskrywing

HoneyBush Lodge is 'n bekoorlike grasdak-vakansiehuis wat 'n egte bosveld-ervaring in Marlothpark bied. Dit is ideaal vir 'n gesin of 'n groep vriende wat 'n bietjie rustyd buite die groot stad wil hê. Hiér kan gaste sien hoe diere vrylik rondloop en die voëls in die bome baljaar terwyl hulle 'n vleisie oor die kole gooi of 'n koppie koffie drink.

Dié lodge bied slaapplek aan 10 gaste en beskik oor 5 en suite-slaapkamers, 'n kombuis, eetarea, sitarea en 'n grasdaklapa. Die hoofslaapkamer op die boonste verdieping het 'n koningingrootte-bed, 'n aantrekarea en 'n badkamer met 'n stort, wasbak en 'n toilet. Die tweede slaapkamer op die boonste verdieping het 3 enkelbeddens en 'n en suite-badkamer met 'n stort, wasbak en 'n toilet. Die derde, vierde en vyfde slaapkamer is op die onderste verdieping. Die derde slaapkamer het 'n koningingrootte-bed en 'n en suite-badkamer met 'n bad. Die vierde en vyfde slaapkamer het onderskeidelik 1 enkelbed en 2 enkelbeddens, en elk 'n badkamer met 'n stort, wasbak en 'n toilet. Linne en handdoeke word voorsien.

Die kombuis is met 'n yskas-vrieskas, stoof, oond, mikrogolfoond, basiese eetgerei en breekware, en tee- en koffiemaakgeriewe toegerus. Daar is ook 'n skottelgoedwasser en 'n wasmasjien. Die kombuis lei na die etenstafel met stoele en die sitarea waar daar gemaklike rusbanke en 'n TV met sekere DStv-kanale is.

Die leefarea lei na die stoep met braaigeriewe, 'n pizza-oond en 'n vuurput, en 'n grasdaklapa met 'n piekniekbankie en 'n veerpyltjiebord. Langs die lapa is daar 'n plonspoel. Daar is ook 'n tafeltennistafel in die huis.

Gaste kan na die Krokodilrivier ry of stap om die pragtige uitsig te bewonder, vir 'n kans om die Groot 5 te sien en om 'n skemerkelkie langs die rivier te geniet.

Kry ’n Kwotasie