Houw Hoek Hotel

Hotel

Kapasiteit: 239 persone
Alle ouderdomme is welkom
Inkloktyd: 15:00 tot 22:00
Uitkloktyd: 11:00
Adres: N2, Houw Hoek, Grabouw, 7160, Wes-Kaap
Vanaf R2 010 per nag, vir 2 mense
TGCSA-gradering:

Beskrywing

Houw Hoek Hotel is in die hartjie van die Kogelberg Natuurreservaat geleë, langs die N2 en net 80 km van Kaapstad af. Die hotel het 'n voortreflike ligging tussen majestueuse berge en pragtige damme wat dit die ideale rusplek maak. Daar is ook 'n gesondheid-spa met 'n sauna, stoomkamer en 'n rits behandelings wat, onder meer, masserings en Full-body Wrap-behandelings insluit.

Verblyf by Houw Hoek Hotel word in 7 tipe kamers aangebied en almal is smaakvol gemeubileer en versier. Die meeste van die kamers het privaat balkonne met uitstekende uitsigte en kaggels om die winterkoue te verdryf. Elke kamer het 'n TV met sekere DStv-kanale en gratis WiFi.

Gaste kan lekker langs een van die 2 swembaddens uitspan. Daar is ook 'n rits binne- en buitemuurse aktiwiteite om die kleingoed besig te hou. Gaste kan 'n smullekker maaltyd op die stoep met 'n panoramiese uitsig op die omliggende berge geniet.

Die hotel bied 5 konferensieskamers met lugversorging en bied die ideale venue vir konferensies, bekendstellings, promosie-geleenthede en funksies. Die hotel kan maklik 5 tot 250 afgevaardigdes akkommodeer. Die golwende grasperke en groot damme skep 'n romantiese atmosfeer en maak Houw Hoek Hotel 'n gewilde trou-venue.

Die hoofrestaurant het sitplek vir 120 gaste en bedien daagliks heerlike a la carte-middagetes en -aandetes. Die nuwe oordekte galery het 'n panoramiese uitsig op die berge en daar is sitplek vir 182 gaste. Die restaurant bied 'n ontbytbuffet, informele middagetes en fynproewers-aandetes wat met 'n bekroonde plaaslike wynlys gekomplementeer word. Die gesofistikeerde spyskaart meng tradisionele Suid-Afrikaanse kookkuns met moderne uitvindsels van bekende sjefs. Op 'n Saterdag hou die hotel hulle gewilde aandete-dans.

Houw Hoek Hotel is die oudste gelisensieerde hotel in Suid-Afrika. Die hotel is ook die wenner van 2 Haute Grandeur Global Excellence-toekennings vir die kategorieë The Best Scenic Environment Hotel in South Africa en The Best Historical Hotel in South Africa.

Kry ’n Kwotasie