Uitstekende selfsorgeenheid met 'n lekker stoep en braai area. Karoo Magic was 'magic' net soos die naam sê. Die dubbelverdiepingseenheid op die eienaar se perseel het alles ingehad wat vir jou 'n baie gerieflike en gemaklike verblyf vir seker. Die onderste gedeelte van die eenheid het bestaan uit 'n oopplan kombuis en sitarea. Die kombuis het 'n groot yskas, mikrogolfoond, en 'n tweeplaat oondjie gehad. Die opwasarea het seep en afdrooglappe gehad. Die sitarea het bestaan uit twee gemakstoele en 'n bank onder die trap wat na die boonste verdieping gaan. Koffie, tee, suiker, en vars melk was voorsien, asook koue water in die yskas. Die boonste verdieping het 'n groot slaapkamer met 'n ensuite-badkamer, twee gemaklike stoele, lugversorging, 'n koningsgrootte bed met kwaliteit wit linne, asook 'n elektriese kombers op die bed. Die matras was van goeie gehalte en dit het baie gemaklik geslaap. Die badkamer het 'n stort en die water was baie vinnig warm om 'n lekker stort te verseker. Die wasbak het luukse handeseep en handeroom gehad. Dankie vir die lekker bederf. Daar was groot wit badhanddoeke asook handhanddoeke voorsien. Die onderdak stoep was 'n genot om by te kuier en te braai. Daar was 'n braai area met braaihout wat voorsien was deur die gasvrou en wat skoongemaak is na die vorige aand se braai. Baie dankie. Die tafel en stoele was gerieflik om by te eet en daar was ook twee gemakstoele om by te sit. Die braai area kyk uit oor 'n pragtige versorgde tuin. Die hele eiendom is omhein, en dit maak dit baie veilig vir jou en jou troeteldiere. Daar was sekuriteitsligte wat die area verlig het vir veiligheid. Die eenheid het onbeperkte WiFi gehad wat uitstekend gewerk het. Die enigste nadeel was die lang, steil oop trap met 13 trappe na die boonste gedeelte waar die slaapkamer en badkamer is. Dit was nie genoem in die beskrywing nie, en daar was ook nie 'n foto van die trap nie. Dit was 'n uitdaging vir my aangesien ek moeilik loop en sukkel met trappe. Behalwe vir die trappe was Karoo Magic 'n pragtige skoon, gerieflike selfsorgakkommodasie. Jy kon jou motor reg voor die deur parkeer wat die in- en uitlaai baie gemaklik gemaak het. Die gasvrou was baie vriendelik, en sy het ons privaatheid gerespekteer. Ons het goeie kommunikasie gehad. Ons verblyf was regtig baie lekker, en ons kan Karoo Magic aanbeveel as uitstekende, veilige, troeteldiervriendelike akkommodasie. Dankie Karoo Magic vir 2 fantastiese dae by julle. Ons het dit baie geniet.

'n Lekker oorslaap - volgende keer kom ons langer. Ons het heerlik hier gebly en sal definitief weer hier kom oorslaap. Dit is 'n baie gerieflike woonstel, baie goed ingerig. Die gasvrou is vriendelik en baie behulpsaam.

Beste naweek ooit. Ons het baie lekker gebly. Sue en Charlie was so gasvry en vriendelik. Sue het ons heeltyd gemaklik laat voel en altyd gevra of ons niks nodig het nie. Hulle is die beste gasheer en gasvrou ooit. (They are the best hosts ever.)