Kasteelkop Guest Farm Schuur

Selfsorg

Kapasiteit: 8 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: R26, Perth Plaas, Frankfort, 9830, Vrystaat
Vanaf R6 720 per nag, vir 8 mense
TGCSA-gradering:

Beskrywing

Kasteelkop Guest Farm Schuur is 'n selfsorghuis op 'n werkende plaas in Frankfort, 'n klein dorpie op die oewer van die Wilgerivier in die Vrystaat.

Dié verblyf bied slaapplek aan 8 volwassenes en 2 kinders en beskik oor 4 slaapkamers en 2 badkamers. Die eerste slaapkamer het 'n koningingrootte-bed en 'n en suite-badkamer met 'n Victoriaanse bad. Die tweede slaapkamer het 'n koninggrootte-bed wat in 2 enkelbeddens omskep kan word. Die derde en vierde slaapkamers het elk 2 enkelbeddens. Die gedeelde badkamer het 'n stort. Linne en badhanddoeke word voorsien.

Die huis beskik oor 'n kombuis wat met 'n gasstoof, oond, mikrogolf, lugbraaier, ysmasjien, eetgerei, breekware en 2 yskaste toegerus is. Die sit- en eetareas het oorgenoeg sitplek en 'n dubbelslaapbank. Daar is ook 'n binnenshuise kaggel en 'n TV met Netflix. WiFi is ook beskikbaar. Daar is ook son- en batterykrag in die geval van beurtkrag.

Die onderdakstoep het oorgenoeg sitple, 'n eetarea, verhitte Jacuzzi teen 'n ekstra koste, sonstoele, gasbraai, Weber en 'n vuurput.

Gaste kan voetslaan, MTB-roetes aanpak, piekniek, die plaasdiere dophou, voëlkyk, visvang of pieknieks en perdry op die plaas geniet. Daar is 'n bekroonde Destination Spa op die perseel wat gaste vooraf moet bespreek.

Kry ’n Kwotasie