Kudu's Rus Game Lodge

Wildsplaas

Gratis kansellasie tot 24 uur voor jou verblyf!
Kapasiteit: 25 persone
Alle ouderdomme is welkom
Inkloktyd: 14:00 tot 20:00
Uitkloktyd: 10:00
Adres: Gedeelte 19 van 1 Plaas Waterval, Rustenburg, 1500, Noordwes
Vanaf R2 000 per nag (plek vir 4)

Beskrywing

Kudu's Rus is 'n Suid-Afrikaanse wildlodge in die Noordwes-provinsie. Dit is in 'n malaria-vrye streek, in privaat besit en slegs 90 minute se ry vanaf Pretoria en 2 ure se ry vanaf Johannesburg Internasionale Lughawe en omgewing. Al maak die grootte van die lodge dit perfek vir spesiale geleenthede, is die uitleg van die selfsorg-eenhede so dat dit privaatheid vir paartjies en kleiner groepe ook bied.

Die lodge is die tuiste van verskeie wild insluitend: koedoes, vlakvarke, wildebeeste, hartebeeste, impalas en sebras asook verskeie inheemse voël- en plantspesies.

Ons is na aan die wêreldbekende Sun City (ongeveer 38 km), Pilanesberg Nasionale Park en die Royal Bafokeng Sokker Stadion. Dit bied gaste die ideale geleentheid om die bos- en wildlewe by die lodge te ervaar terwyl hulle enige tyd weg kan glip vir die vermaak en opwinding by Sun City of 'n spesiale sportgeleentheid by die Royal Bafokeng Stadion.

Gholf-entoesiaste sal juig as hulle te hore kom van die 5 internasionale gholfbane wat almal binne maklike bereik van die lodge is.

Die vermaak-area bestaan uit 'n lapa, 'n swembad, 'n boma en braaigeriewe asook 'n privaat, ingeslote Jacuzzi-kamer. Daar is 'n volledige kroeg (geen drankies word verkoop nie, so bring asseblief jou eie) met DStv op die platskerm-TV vir die eksklusiewe gebruik van gaste en konferensie-groepe. Die kombuis is toegerus met al die nodige soos 'n konveksie-oond, mikrogolfoond, diepvrieskas, yskas, braairooster, kookgerei en oorgenoeg breekware en eetgerei. 'n Uitkyk-dek bied 'n unieke ervaring aan almal wat die rykdom van die diversiteit van Afrika waardeer.

Geniet die Afrika-bosveld en die rustigheid van die natuur reg op jou drumpel terwyl jy vertoef by Kudu's Rus.

Kry ’n Kwotasie