LaVidaLekker

Selfsorg

Kapasiteit: 8 persone
Alle ouderdomme is welkom
Inkloktyd: 15:00 tot 19:00
Uitkloktyd: 11:00
Adres: Staatspresident CR Swart-weg 131, Brenton-on-Sea, Knysna, 6570, Wes-Kaap
Vanaf R4 000 per nag (plek vir 8)

Beskrywing

LaVidaLekker is 'n pragtige selfsorgvakansiehuis in 'n yl ontwikkelde bewarea net 15 minute vanaf Knysna. Omdat dit in die hartjie van Brenton-on-Sea geleë is, is dit die perfekte opsie vir natuurliefhebbers.

Die huis bied slaapplek aan 7 gaste en beskik oor 4 slaapkamers en 3 badkamers. Die hoofslaapkamer het 'n koningingrootte-bed en 'n en suite-badkamer met 'n bad en 'n stort. Die tweede slaapkamer het 'n koningingrootte-bed en 'n bababedjie. Die derde slaapkamer het 'n dubbelbed en die vierde slaapkamer het 'n enkelbed. Die 2 aparte badkamers het storte.

Die oopplan-leefarea op die boonste verdieping beskik oor 'n kombuis wat met 'n gasstoof, elektriese oond, lugbraaier, mikrogolfoond, yskas-vrieskas, skottelgoedwasser, eetgerei, breekware en 'n eiland met stoele toegerus is. Die kombuis lei na 'n etenstafel en 'n knus sitarea met gemaklike sitplek en 'n kaggel. Die sitarea het 'n projektor met 'n Apple-TV wat ook Netflix en Disney+ kan stroom. Gratis WiFi is beskikbaar.

Onder is daar 'n tweede sitarea met 'n klavier en dit lei na 'n groot tuin met 'n klimraam vir kinders.

Dié leefarea en die hoofslaapkamer lei na 'n houtdek met 'n etenstafel en 'n losstaande vlekvrye-staalbraai. Dit is 'n wonderlike plek vir gaste om te ontspan en die uitsig oor die tuin, die see in die verte en Buffelsbaai, sowat 5 km ver, te bewonder.

Kry ’n Kwotasie