Linaria Beach House

Selfsorg

Kapasiteit: 10 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Linaria-straat 2, Britanniabaai, St. Helenabaai, 7282, Wes-Kaap
Vanaf R4 095 per nag (plek vir 10)

Beskrywing

Linaria Beach House is 'n pragtige selfsorghuis in Britanniabaai, oorkant die strand, en bied pragtige see-uitsigte. Dit bied maklike toegang strande en verskeie besienswaardighede in die area, en is ideaal vir 'n gesinswegbreek of 'n seevakansie met vriende.

Dié huis bied slaapplek aan 10 gaste en beskik oor 4 slaapkamers. Die hoofslaapkamer het lugversorging, 'n koningingrootte-bed en 'n en suite-badkamer met 'n bad en stort. Dit het ook 'n TV en 'n stoep met gedeeltelike see-uitsigte. Die tweede slaapkamer het 'n dubbelbed, terwyl die derde slaapkamer 'n dubbelbed, sowel as 'n stapelbed het. Die vierde slaapkamer het 2 enkelbeddens. Gaste in hierdie kamers deel 'n badkamer met 'n bad en 'n stort. 'n Derde stort en toilet is in die mtorhuisarea beskikbaar.

Die kombuis het 'n toonbank met kroegstoele, en is met 'n yskas-vrieskas, kisvrieskas, tweeplaatgasstoof, elektriese stoof, oond en mikrogolf toegerus. Daar is ook 'n yskas-vrieskas, mikrogolfoond, wasmasjien en tuimeldroër in die opwaskamer. Die ruim leefarea het 2 TV's met DStv en 'n kaggel wat ook dien as 'n braai-area. Die stapelbedkamer het ook DStv.

Gaste het toegang tot die swembad en 'n outomatiese dubbelmotorhuis, asook oorgenoeg parkeerplek buite. Daar is 'n buitestort met koue water wat gaste kan gebruik en 'n ingeboude buitebraai, asook as 'n draagbare braai. Die verblyf het 'n boma en 'n speelarea vir kinders. Gaste het ook toegang tot tafeltennis, 'n veerpyltjiebord, tafelsokker, bordspeletjies en 'n pooltafel.

Die huis het 'n omsetter in die geval van kragonderbrekings, 'n alarmstelsel met gewapende reaksie vir sekuriteit, en gratis WiFi.

Kry ’n Kwotasie