Skoon netjies, daar kan jy lekker rus. Baie lekker huis, met privaat swembad, onderdak braai asook 'n lekker boma. Kamers is ruim met eie badkamers, ons sal definitief weer gaan. 'n Mens kan lekker rus en hoef nie eens iewers heen te ry nie, die diere kom kuier sommer by jou. Dit was vir ons absoluut 'n heerlike rustige naweek van rus.

Goed geleë en lekker kuierareas. Verblyf was baie lekker, dankie. Heelwat van die ligte het nie gewerk nie. Die swembad is 'n welkome verrassing, maar sou verkies dat hy verhit is. Die buitekamer word geadverteer dat hy 'n stort ook het, maar ons kon geen stort sien nie - dit was ongerieflik. Kan regtig belê om linne en kussings op te gradeer en ekstra yskas te hê, veral dalk by kuierarea. Huis is regtig baie gerieflik vir 'n groot groep mense - net 'n paar dingetjies wat aandag verg. Baie dankie!

Wonderlike plek, perfek vir 'n stil wegbreek van stadslewe. Die eenheid het als wat jy kan benodig, pragtige uitsig op die voer stasie reg by die lapa, en diere loop heel dag verby, van die bokke het selfs uit ons hande kom eet. Die swembad was baie welkom in die warm weer. Kombuis is goed uitgerus met als wat mens kan nodig. Res van die plek is perfek. Lieflik stil in die nag, lanklaas so lekker geslaap. Voorstelle wat die plek net daai bietjie beter kan maak: 2 handdoeke per kamer was bietjie min. Steek miskien die WiFi router weg van gaste af, ek het als probeer daai eerste aand, maar eers die volgende oggend gehoor dis nie bedoel vir gaste nie. Miskien 'n voorstel vir die kamer met die shower wat na buite kyk, sodra die son opkom is dit daglig in die kamer, sou voorstel om miskien 'n blind of iets net op te sit, ek moes die een kombers oor die deur gooi om so bietjie te kan laat slaap. Anders as dit was dit 'n wonderlike plek en ek sal dit regtig aanbeveel vir enigiemand. Ons hoop om binnekort weer vir 'n naweek te kom afskakel van die gejaag van JHB.

Baie lekker stil en netjies. Baie lekker gebly. Baie stil. Als wat jy nodig het is daar. Selfs Wifi.

Teleurstellend tog soveel potensiaal. Ons moes vir 'n uur en half by die eenheid wag voordat Sondela die sleutels afgelewer het. Dit nadat hulle ons by ontvangs ingelig het dat die sleutel by die eenheid was. Huis was redelik skoon binne maar tuin is verwaarloos met spinnerakke oral. Die eenheid het 'n swembad maar dit word nie skoongemaak of instandgehou nie. Gras onversorgd en staan hoog op party plekke. Skoonmaakdiens het glad nie Saterdag ogedaag nie en geen swartsakke voorsien nie.