Milkwood Cottage

Selfsorg

Kapasiteit: 8 persone
Alle ouderdomme is welkom
Inkloktyd: 15:00 tot 18:00
Uitkloktyd: 10:00
Adres: Margaret-Wesstraat, Hersham, Groot Brakrivier, 6525, Wes-Kaap
Vanaf R3 500 per nag, vir 8 mense

Beskrywing

Milkwood Cottage is ’n selfsorghuis in ’n stil, groen vallei in die kusdorpie Hersham op die Tuinroete. Die ongerepte strand is sowat 10 minute se stap of slegs ’n kort entjie se ry van die kothuis af.

Die Milkwood Cottage het slaapplek vir 8 gaste en beskik oor 4 slaapkamers en 3 en suite-badkamers. Elke kamer het ’n dubbelbed; die vierde kamer is apart en buite geleë met ’n privaat ingang onder. Dié kamer het ook sy eie badkamer. Die oopplan-kombuis is toegerus met ’n yskas, mikrogolf en stoof.

Gaste kan gebruik maak van die braaigeriewe op die dek of ’n afgeleë paadjie in die tuin volg om die lapa te ontdek. Die lapa is tussen bome en beskik oor ’n oop kaggel en Weber-braai. Die tuin het ’n buitestort, trampolien, swaaie en ’n groot sandput wat die kinders besig sal hou.

Daar is elektriese komberse en ’n kaggel in die sitarea wat die kothuis ideaal maak vir ’n winterwegbreek ook. Die kothuis is tussen inheemse bome geleë en die welige tuin bied privaatheid. Gaste kan swem, visvang en voëlkyk in die area geniet.

Milkwood Cottage is die ideale plek vir kort wegbreke asook langer vakansies. Dis slegs 20 km van George Lughawe af.

Kry ’n Kwotasie