Heerlike groot woonstel wat sentraal geleë is. Ouwerdse sjarme in die hartjie. Verblyf was fantasties, van die serene stilte tot die vroeë oggend voëlgesang en pragtige natuuruitsig.

Netjiese en goed toegeruste verblyf. Kollegas het heerlik gebly. Goed toegeruste akkommodasie.

Die woonstel was groot, baie goed toegerus en het al die geriewe gehad wat 'n besigheidsbesoeker nodig het! Die woonstel was baie groot, met 3 slaapkamers, TV kamer, groot kombuis met kookgeriewe, tee en koffie, melk, self sout en peper! Die fasiliteite was baie skoon en netjies, met baie aandag aan detail. Alle toerusting was in 'n perfekte, werkende toestand, daar was ook WiFi. Die tafelblad in die kombuis was goed belig en ek het daar op my laptop gesit en werk, kragprop was naby. Daar was ook 'n lessenaar in een van die ander kamers. Daar was veilige parkering weg van die straat af met 'n hek wat gesluit word. Sekuriteit van die woonstel was goed met twee veiligheidshekke. Daar is eetplekke in die omgewing vir mense wat wil uitgaan in die aand. Die woonstel was stil en daar was geen geraas in die nag nie, ook nie van enige verkeer nie. Aanvanklik was dit moeilik om die plek te kry, maar die eienaar is baie hulpvaardig en het my gou gehelp. Uiters goeie waarde vir geld, baie netjies, ek kan dit aanbeveel !