Petit Plaisir Cottage

Selfsorg

Gratis kansellasie tot 24 uur voor jou verblyf!
Kapasiteit: 2 persone
Alle ouderdomme is welkom
Inkloktyd: 14:00 tot 22:00
Uitkloktyd: 10:00
Adres: Heidestraat 4, Franschhoek, 7690, Wes-Kaap
Vanaf R2 640 per nag (plek vir 2)
TGCSA-gradering:

Beskrywing

Petit Plaisir Cottage is 'n selfsorgkothuis in die buitewyke van die pragtige dorpie Franschhoek, wat die middelpunt van 'n wyn- en kos-fynproewershemel in een van Suid-Afrika se mees asemrowende omgewings vorm. Dis die perfekte romantiese wegbreekplek vir paartjies wat daarvan hou om vakansie op hulle eie manier te hou.

Die kothuis is stylvol versier met die tipe dekor wat'n mens van 'n 4-ster-blyplek sal verwag. Die slaapkamer het 'n koningingrootte-bed en 'n en suite-badkamer met 'n bad en 'n stort. Die oopplankombuis is met 'n stoof, yskas, mikrogolfoond en koffie- en teemaakgeriewe toegerus en lei na sit- en eetarea waar daar 'n kaggel is. Ander geriewe sluit lugversorging, DStv-kanale en gratis WiFi in.

Buite kan gaste op die stoep of in die tuin ontspan, in die swembad afkoel of die braaigeriewe gebruik. Veilige parkeerplek word voorsien.

Franschhoek staan as die fynproewershoofstad van die Kaap bekend en verdien hierdie titel aangesien dit met van die beste restaurante in die land spog. Maaltye wissel van Franse kookkuns tot tipiese Kaapse geregte tot eenvoudige, plattelandse kos en daar is 'n spyskaart vir elke sak en smaak.

Kry ’n Kwotasie