Ongelooflike, pragtige plek. Naby baie besienswaardighede. Die ingang by die hoofpad en die paadjie na die lodge berei jou nie voor vir die ongelooflike plek nie. Dekor is uitstekend beplan. Dit voel asof jy in die lewe van die Victoriaanse instap. Kos is uit die boonste rakke. Jy voel uiters welkom en ontspanne.

Beste in 'n lang tyd. Ek reis baie vir besigheid en bespreek alle kollegas se verblyf. Platrand is waarlik van die bestes ooit. Baie baie, lekker gekuier, diens baie vriendelik. Sal beslis sterk aanbeveel!

Baie lekker. Dit was 'n baie lekker kuier. Goeie diens.

Ons het lekker geslaap in 'n rustige atmosfeer en sal beslis weer hier tuisgaan. Baie mooi plaas met 'n pragtige uitsig. Ons kamer was egter nie gereed met die aankoms om 14h15 nie, en 'n ander kamer is aan ons toegeken. Die geboue is redelik oud en kort opknapwerk.

Rustig en lekker. Was net vinnig, maar lekker, geen klagtes.

Aangename ervaring. Perfek vir 'n oornagstop, maar sal nie meer as een aand daar vertoef nie. Kombuis was 'n teleurstelling.

Veilige oorslaapplek. Platrand is 'n oulike plek, maar meer sorg behoort aan detail gegee te word. Ons bespreking was verkeerd opgeskryf vir een aand i.p.v. die twee wat ons bespreek het. Daar was net een gesighanddoek i.p.v. twee in ons kamer, net een sakkie koffie en een sakkie tee i.p.v. een vir elke persoon. Ons het ook eers vir die tweede aand 'n koekie seep ontvang. Dit blyk asof hierdie klein detail nie opgevolg word nie, maar dit laat 'n mens afgeskeep voel.

Redelik teleurgesteld. Met ons aankoms was ons baie vriendelik ontvang. Daar was egter heelwat probleme, grotendeels oor fyner details nie aandag geniet nie. Die badkamerdeur kan nie behoorlik toemaak nie, baie ongemaklik vir 'n gesin. Ons was drie, maar geriewe soos koffiebekers was slegs vir twee. Kitskoffie slegs een sakkie. Water word met gas verhit. Dit werk nie fantasties saam met 'n laevloei-waterbesparingstortkop nie. Jy het twee verstellings, verbrand-warm of yskoud. Niks tussenin nie. Teen daardie stadium vervies jy jouself maklik. Middel van die nag wakker geword en die plek het soos riool geruik. Verdere ondersoek en die toilet het in die badkamer gelek. Wat 'n gemors. Ek is oortuig die dame wat ons bedien het verstaan nie 'n woord Engels nie. 20+ minute gewag vir ons drankies omdat die kelnerin moes help in die kombuis.

Ons verblyf by Platrand was van die begin af 'n gemors. Van 'n verlore bespreking tot vuil skottelgoed in die kaste. Platrand lodge was ons verblyf opsie vir 'n troue. Ons het ons bespreking gemaak 3 maande voor die troue. Net om 4 weke voor die troue daarvan verwittig te word, dat ons nie ons verblyf keuse kon kry nie, want Platrand het nie ons bespreking gemaak nie, alhoewel ons ons deposito betaal het. Na 'n hewige argument met ontvangs het bestuur eers besluit om ons te probeer help. Bestuur het eers met 'n baie swak voorstel voorendag gekom, ons het duidelik aangedui ons het 3 baie klein kinders en hulle het slegs 2 eenhede geskik vir familie's, dis juis hoekom ons die groot eenheid bespreek het, toe wil hulle ons in aparte kamers sit. Ons het uiteindelik met groot moeite die kleiner familie eenheid gekry met 1 deluxe kamer. Bestuur was wel tegemoedkomend met die kostes van die verblyf. Met die opdaag vir ons naweek was ontvangs redelik vriendelik. Saterdagoggend toe ontdek ons 'n vuil pot en pan in die kas, soos in wie okal eiers gemaak het, helfte van die eiers was nog in die pan. Daar is nie baie opsies vir potte en panne nie, gaan ons na ontvangs en sukkel ons dood om iemand by ontvangs te kry. Uiteindelik iemand by ontvangs gekry en het darem vinnig 'n skoon pot en pan gekry. Die middag toe ontdek ons 'n vrot gemufde kapplank in die kas, leë jelly tots papier en pringle houer onder die beddens (ons eet nie een van die vooraf genoemdes nie). Ons het selfs iemand anders se verlore oorbel onder die bed gekry. Duidelik is die eenheid nie behoorlik skoongemaak voor ons aankoms nie. Al dui 'n mens aan jy wil nie gepla word nie, het personeel sommer net in die kamer ingekom en ingegaan wanneer ons nie daar was nie. Selfs die yskas is afgesit. Twee van die stoele op die stoep is gehawend en kon 'n mens vir veiligheidsredes nie op sit nie. Hulle het wel 'n generator beskikbaar vir loadshedding en 'n lieflike uitsig van die stoep af.

Professioneel en rustig. Vreeslik lekker geslaap. Baie professioneel en behulpsaam. Sal enige tyd weer by julle bly. Baie dankie.