Porcupine Walk

Selfsorg

Gratis kansellasie tot 24 uur voor jou verblyf!
Kapasiteit: 2 persone
Alle ouderdomme is welkom
Inkloktyd: 14:00 tot 17:00
Uitkloktyd: 11:00
Adres: Cruywagenweg 8, Winford, Simonstad, 7975, Wes-Kaap
Vanaf R1 250 per nag (plek vir 2)

Beskrywing

Porcupine Walk is 'n pragtige, privaat selfsorg-suite in ’n stil doodloopstraat, 2 km vanaf Simonstad se middestad geleë, op pad na Kaappunt.

Die eenheid is op die grondvloer van die eienaar se dubbelverdiepinghuis en dit het 'n aparte ingang. Die oopplan-eenheid het 'n koningingrootte-bed en 'n en suite-badkamer met 'n stort, wasbak en toilet.

Die kombuisie het 'n yskassie, ketel, mikrogolfoond, eetgerei en breekware. Daar is skuifdeure wat toegang tot 'n privaat patio bied. Daar is ander geriewe soos gratis WiFi, volledige DStv, digte gordyne, ingeboude kaste, 'n muurverwarmer en ekstra komberse vir wintermaande. Daar is veilige parkeerplek op die perseel met 'n afstandbeheerde hek.

Porcupine Walk is ’n paar minute se stap na die wêreldberoemde Afrika pikkewyn-kolonie by Boulders-strand, asook die pragtige klein baaitjies en strande wat veilig is om in te swem.

Frank's Bay, Windmill en die Fisherman strande is op ons drumpel. Walvisse is ook vanaf ons verblyf te sien gedurende walvisseisoen. Neem 'n 20 minute rit verby die ondeunde bobbejane na Kaappunt Natuurreservaat en die punt van Afrika, waar die Indiese en Atlantiese Oseane bymekaar kom.

Die jarelange assosiasie tussen die Britse en Suid-Afrikaanse vlote het aan Simonstad sy unieke karakter toegeken. Daar is verskeie historiese geboue en interessanthede te sien in dié oulike kusdorpie.

Besienswaardighede naby sluit Miller's Point, Seal-eiland, die Suid-Afrikaanse Vlootmuseum, Simonstad Museum, Volstruisplaas, Top Stones Mineral Word, Imhoff Farm Village en Noordhoek Farm Village, asook verskeie restaurante, koffiewinkels en vele winkeltjies in. Daar is ook kuriowinkels, antiekwinkeltjies en ’n Afrika-mark op Jubilee Square.

Die Kaapse Wynlande is slegs ’n skilderagtige rit ver. Stellenbosch, Franschhoek en Paarl is wêreldbekend vir hul wyn en wynplase. Cape Point Vineyards is on eie spesiale wynmakery, slegs 20 minute se ry van ons af.

Ons beskik oor inligtingsbrosjures wat gaste kan gebruik, wat lyste van die besienswaardighede en doendinge in die area, van fietsry en voetslaan tot snorkel en skubaduik.

Kry ’n Kwotasie