Pringle Bay Home

Selfsorg

Kapasiteit: 6 persone
Geen kinders onder 12
Inkloktyd: 12:00 tot 18:00
Uitkloktyd: 12:00
Adres: Gull-straat 1, Pringlebaai, 7196, Wes-Kaap
Vanaf R6 200 per nag (plek vir 6)

Beskrywing

Pringle Bay Home is 'n pragtige, ruim selfsorghuis in Pringlebaai wat omring word deur die Kogelberg Biosfeerreservaat. Die huis is teen die see gebou en kyk noord, met pragtige uitsigte oor die baai en op die berge.

Verblyf is beskikbaar in 3 kamers en daar is slaapplek vir 6 gaste. Die hoofslaapkamer kyk oor die see uit en is ingerig met 'n koninggrootte-bed, 'n gemakstoel en 'n volledige en suite-badkamer met 'n bad, stort, toilet en 2 wasbakke. Die tweede slaapkamer het 'n esktra lang koninggrootte-bed en 'n gemakstoel, en 'n en suite-badkamer. Daar is 'n solderkamer met 'n koningingrootte-bed en 'n sitarea, asook 'n en suite-badkamer. Die tweede solderarea het 'n studeerkamer met 'n lessenaar en 'n stoel. Die eenheid bied 'n volledig ingerigte kombuis met 'n spens en 'n opwaskamer/wasgoedkamer.

Die leefarea is 'n oopplan-ruimte met hoë plafonne, baksteenmure en ontblote dakbalke. Hierdie ruimte sluit 'n ontspanne leefarea met 'n oop kaggel en 'n eetkamertafel met sitplek vir 8 in. Die veranda strek tot op die grasperk en die beskermde fynbostuin wat grens aan die see.

Onbeperkte WiFi is beskikbaar in die eenheid.

Pringle Bay Home is stapafstand van die strand en middedorp af en daar is 2 bergfietse beskikbaar vir gaste se gebruik. Pringlebaai is 'n lieflike dorpie met verskeie geriewe soos 'n deli, geskenkwinkel, geriefswinkel en bekoorlike restaurante. Ons plekkie word omring deur die natuur, 'n pragtige strand en 'n kuswandelpaadjie. Pringle Bay Home is ook naby Harold Porter Botaniese Tuin, die Hemel-en-Aarde-wynroete, puik spa-geriewe en fantastiese restaurante.

Kry ’n Kwotasie