Beskrywing

Protea Cottage het 'n omheinde tuin en is teen die berg in Pringlebaai op 'n stil perseel geleë. Die kothuis het 'n pragtige uitsig op die berge en oor die see in die verte na Kaappunt en Kaapstad se kant toe.

Die kothuis is geskik vir 4 volwassenes en 2 kinders. Die kothuis beskik oor 3 slaapkamers met gemaklike beddens. Die eerste slaapkamer het 'n koningingrootte-bed, die tweede slaapkamer het 'n dubbelbed en die derde slaapkamer het 2 enkelbeddens. Daar is 'n agterkamer met 'n dubbelbed en 'n rusbank wat gebruik kan word. Gaste moet hul eie linne saambring. Duvets, kussings en handdoeke word voorsien, sowel as komberse in die winter. Daar is 2 badkamers en 'n aparte toilet. Die eerste badkamer het 'n stort en 'n wasbak en die tweede badkamer het 'n bad en 'n toilet. Die kothuis het 'n buitestort met warm en koue water om in af te spoel na 'n dag op die strand.

Die kothuis het 'n groot binnebraai en oopplan-kombuis en -leefarea. Die kombuis is met 'n yskas, Smeg-oond en -gasstoof, mikrogolfoond en 'n skottelgoedwasser toegerus. Daar is ook 'n etenstafel met stoele in die oopplan-kombuis en -leefarea. Daar is 'n TV om films te kyk wat gaste self stroom. WiFi is beskikbaar wat gaste kan gebruik om films met hul eie HDMI-kabel te stroom,(onderhewig aan enige beplande of onbeplande situasies wat buite ons beheer kan voorkom en waarvoor ons nie verantwoordelikheid kan aanvaar nie.)

Die huis het 'n elektriese heining en laserstraal-sekuriteit. Daar is geen parkeerplek op die perseel nie, gaste moet dus op straat parkeer.

Die dek het 'n groot sambreel, tafel en stoele. Daar is trappe wat na die tuin lei en klein kinders moet te alle tye onder ouertoesig wees wanneer hulle op die dek is.

Gaste kan in die tuin met 'n pergola en sonstoele ontspan. Die strand is 1,3 km ver en die dorp, winkels en restaurante is 1,7 km ver.

Pringlebaai is in die Kogelberg-bisofeer en ons moedig verantwoordelike toerisme aan en respekteer die plaaslike bobbejaantrop, asook al die ander fauna en flora.