Rancho Relaxo

Selfsorg

Kapasiteit: 10 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Berwick-weg 17, West Beach, 7441, Wes-Kaap
Vanaf R5 355 per nag (plek vir 10)

Beskrywing

Rancho Relaxo is net om die draai van Blouberg se hoofstrand geleë en is 'n pragtige vakansievilla met 'n gesofistikeerde aanslag en moderne kenmerke. Dit is 'n ideale opsie vir 'n onvergeetlike gesinsvakansie want dit bederf met 'n oord-styl tuin met 'n sprankelende soutwater swembad.

Dié villa het 'n maksimum kapasiteit van 10 gaste op 'n slag en beskik oor 2 badkamers en 5 slaapkamers waarvan 4 lugversorging het. Die hoofsuite is ingerig met 'n koninggrootte-bed en beskik oor 'n instapkas asook 'n en suite-badkamer met 'n bad en 'n stort. Die oorblywende 4 slaapkamers het elk 'n koningingrootte-bed en maak gebruik van 'n gedeelde badkamer met 'n hoekbad en 'n stort. 'n Gastetoilet is ook beskikbaar. Gehalte linne en badhanddoeke word voorsien; gaste moet egter hul eie swemhanddoeke saambring.

Die leefarea beskik oor 'n stylvolle kombuis wat volledig toegerus is met 'n stoof, oond, mikrogolf, yskas-vrieskas, eetgerei en breekware asook 'n Nespresso-masjien. 'n Skottelgoedwasser, wasmasjien en tuimeldroër is in die aparte opwaskamer beskikbaar. Die pragtige sitkamer het gemaklike sitplek en 'n platskerm-TV met Netflix en 'n volledige verskeidenheid DStv-kanale. Vir diegene wat werk wil doen, is 'n kantoor en komplimentêre WiFi beskikbaar.

Die uitgestrekte vermaakarea buite sluit 'n buite-eetarea met 'n ingeboude braai, sonstoele langs die swembad asook 'n sitarea onder 'n sambreel in. 'n Buitestort is ook beskikbaar vir diegene wat van die strand af terugkeer. Boonop kan gaste gemaklik om die vuurput bymekaarkom en 'n skemerkelkie saam geniet.

Kry ’n Kwotasie