River View Cottage at the Breede

Selfsorg

Kapasiteit: 4 persone
Alle ouderdomme is welkom
Inkloktyd: 14:00 tot 18:00
Uitkloktyd: 10:00
Adres: Breede River Lodge 201, Joseph Barry-rylaan, Witsand, 6666, Wes-Kaap
Vanaf R1 280 per nag (plek vir 4)

Beskrywing

River View Cottage at the Breede is in die rustige dorpie, Witsand, net 3 ure se ry van Kaapstad af in die Tuinroete se rigting. Gaste kan 'n uitsig oor die Breederivier vanaf die bekoorlike, ruim grasdakkothuis, Fisherman's Cottage, aan die oewer van die Breederivier by die Breede River Lodge and Fishing Resort geniet.

Die kothuis het slaapplek vir 4 gaste en beskik oor 2 slaapkamers, 2 badkamers en 'n oopplan-kombuis en -leefarea. Die hoofslaapkamer het 'n koningingrootte-bed en 'n en suite-badkamer met 'n bad, toilet en 'n wasbak. Die kamer lei deur glasskuifdeure na 'n lieflike stoep en bied 'n rivieruitsig vanuit die bed. Die tweede slaapkamer is 'n solderkamer met 2 enkelbeddens. Hierdie kamer kan slegs via 'n steil houttrap bereik word en het 'n dakvenstertjie met 'n uitsig oor die rivier. Gaste moet egter by die steil trappies kan op om in die kamer uit te kom. Die gastebadkamer onder het 'n stort, toilet en 'n wasbak. Beddegoed en badhanddoeke word voorsien. Gaste moet net hul eie strandhanddoeke en toiletware saambring.

Die kombuis is met 'n glasbladstoof, oond, yskas-vrieskas, mikrogolfoond ,skottelgoedwasser, eetgerei en breekware toegerus en het 'n toonbank met stoele. 'n Draagbare gasbottel met 'n kookplaat is beskikbaar. Die sitarea het 'n gemaklike sitkamerstel, 'n etenstafel vir 4 gaste, 'n kaggel en 'n platskerm-TV met DStv. Gratis WiFi word voorsien.

Glasskuifdeure lei na 'n stoep met 'n uitsig oor die rivier. Ontspan op die stoep en luister na die pragtige voëlgesang. Die kothuis is op die rand van die oord geleë, naby die oord se restaurant en parkeerplek.

Veilige parkeerplek is agter 'n het, reg buite die eenheid, beskikbaar. Die kothuis het 'n omsetter wat die meeste toestelle tydens beurtkrag aan die gang hou.

Kry ’n Kwotasie