Rock Lodge Vaalwater

Selfsorg

Kapasiteit: 14 persone
Alle ouderdomme is welkom
Inkloktyd: 11:00 tot 16:00
Uitkloktyd: 10:00
Adres: Bakkerspass-weg, Rock Lodge, Vaalwater, 014, Limpopo
Vanaf R850 per nag (plek vir 2)

Beskrywing

Rock Lodge Vaalwater is in die hartjie van die Waterberge en bied selfsorg-verblyf in chalets. Die lodge is op ’n 360 hektaar-bosveldplaas geleë met wild soos die bosbok, njala, kameelperd, rooibok, kudu, volstruis, swartwitpens, vlakvark, wildebees en zebra wat vrylik rondbeweeg.

Die lodge het 5 privaat chalets. Gemsbok, Kudu en Hartbees is oopplan-chalets wat elk ’n dubbelbed, en suite-badkamer en kombuisie met ’n yskassie, ketel, broodrooster, mikrogolfoond, eetgerei en breekware het.

Duiker-chalet is ideaal vir ’n gesin met jong kinders en bied slaapplek aan 2 volwassenes en 2 kinders. Die chalet het 2 slaapkamers, 1 badkamer en kombuisie met ’n yskassie, ketel, broodrooster, mikrogolfoond, eetgerei en breekware. Zebra-chalet beskik oor 2 en suite-slaapkamers en 'n aparte kombuis. Een slaapkamer het 'n dubbelbed en die ander slaapkamer het 2 enkelbeddens. Die eerste badkamer het 'n bad en die ander badkamer het 'n stort. Elke chalet het ’n privaat, oop boma met ’n braai en 'n opwasarea.

Alhoewel elke chalet toegerus is vir selfsorg, is daar restaurante in Vaalwater sowat 10 minute van die plaas af. Die lodge bied ’n gemeenskaplike ontspanningsarea met eet- en sitareas en ’n rotspoel. Daar is ook ’n lieflike dek met ’n ononderbroke uitsig oor die bosveld. Gaste kan skemerkelkies op die dek drink terwyl hulle die uitsig op die Waterberge bewonder of ’n Afrika-sonsondergang geniet. Doendinge by die lodge sluit stap, fietsry en wildkyk by die watergat in. Die lodge is sowat 3 ure se ry vanaf Johannesburg en 2 ure se ry vanaf Pretoria-Oos met ’n grondpad van slegs 3 km lank.

Kry ’n Kwotasie