Seaway Sunsets

Selfsorg

Kapasiteit: 7 persone
Geen kinders onder 7
Inkloktyd: 15:00 tot 18:00
Uitkloktyd: 10:00
Adres: Hoek van Seaway en Parkweg 4, Fisherhaven, Hermanus, 7200, Wes-Kaap
Vanaf R4 500 per nag (plek vir 7)

Beskrywing

Seaway Sunsets is 'n ruim selfsorghuis in Fishershaven op die oewer van die Botrivier-strandmeer. Dit bied 'n uitsig oor die riviermond en word deur berge omring. Dié huis is ideaal vir 'n gesin of groep vriende.

Hierdie huis bied slaapplek aan 6 volwassenes en 1 kind. Dit beskik oor 4 slaapkamers en 2 badkamers. Die eerste slaapkamer is op die boonste verdieping en het 'n koninggrootte-bed. Die en suite-badkamer het 'n bad en 'n stort. Die tweede slaapkamer het 'n koningingrootte-bed en die derde slaapkamer het 'n dubbelbed. Die vierde slaapkamer het 'n slaapbank vir 'n kind en dien as 'n deurgang met direkte toegang tot die tuin en braai-area. Hierdie slaapkamers deel die tweede badkamer met 'n stort-oor-bad. Al die slaapkamers het kaste en 'n spieëltafel, asook skuifdeure wat na die stoep en tuin lei. Linne en badhanddoeke word voorsien.

Die kombuis is met 'n stoof, oond, mikrogolf, lugbraaier, broodrooster, ketel, eetgerei, breekware, 'n yskas-vrieskas en skottelgoedwasser toegerus. Die sit- en eetarea het gemaklike sitplek om te eet en te ontspan, asook 'n kaggel. Daar is 'n TV en gratis WiFi.

Die leefarea het skuifdeure wat na die houtdek met sitplek lei en bied 'n uitsig oor die privaat tuin en oor die strandmeer omring met berge. Daar is braaigeriewe en parkeerplek op die perseel. Die bekende Rooisand-wildeperde is ook in die omtrek.

Kry ’n Kwotasie