Baie lekker, rustig en vreeslik mooi natuurskoon. Baie lekker gekuier. Die stoep met die braai is heerlik, asook die hoofkamer met die kaggel.

Ontspanne kuier by die see. Die huis is baie goed toegerus vir 'n lekker ontspanne naweek weg. Die kaggel is 'n groot aanwins vir kouer aande. Die kindertjies het die diertjies buite en veilige staproetes baie geniet. Let net daarop dat daar nie 'n mikrogolf is nie, iets wat mens nogal mis met klein kinders, maar dit is verstaanbaar aangesien die krag van sonpanele kom. Die kommunikasie met Herman was ook baie goed, sal Selah Strand Kothuis definitief aanbeveel.

Natuurliefhebber se droom vakansie by die see. Die huis het alles wat ons benodig het en nog meer, baie ruim. Doodstil in die nagte, net uile wat roep gehoor. Baie min mense op die strand. Het die wandelpaadjies baie geniet. Kinders kon ook lekker fietsry. Baie voëllewe in die reservaat. Voel soos 'n huis iewers in 'n wildtuin.

Dis 'n ongelooflike huis met alles wat jy nodig het en nog meer! Ons het heerlik gebly!

Mooiste uitsig. Ons bly altyd lekker by Selah, maar ongelukkig het dit hierdie keer gelyk asof iemand vergeet het om die dag wat ons arriveer die huis te check. Dit was stowwerig, spinnerakke orals, dooie vlieë in vensterbanke en 'n bak wat in die kombuis staan met nattigheid onder die bak. Dit lyk asof die dak lek en dis waarom die bak daar was. Behalwe vir daai goed is dit 'n gerieflike huis en mooiste uitsig. Ons WiFi het nie gewerk nie, maar Herman het dit gou uitgesort. Die boardwalk af na die strand het weggespoel, maar daar is geen waarskuwing bord dat jy versigtig moet wees nie.

Sielsrus, ongerepte strand met dolfyne wat in die see baljaar. Hier rus jy. Oulikste plek. Voel of mens afgesonder is van die samelewing.

Die huis is baie goed toegerus en ons het onsself baie geniet. Wonderlike plek, baie veilig vir die kinders, met 'n mooi natuurskoon en mooi wild op die estate. Ongelukkig het die weer nie saamgespeel nie, en moes ons die hele naweek in die huis bly. Gelukkig was die huis so goed toegerus dat dit geen probleem was nie. En die gasvryheid is uitstekend.

'n Heerlike wegbreek waar alles perfek was. Selah Strand Kothuis het alles wat ons nodig gehad het. Netjies en skoon. Beslis die moeite werd.

Die beste! Ons het dit so geniet. Daar is 'n privaat strand skoon, netjies en veilig. Die natuur en rustigheid om ons het gemaak dat ons net lekker op die stoep wil sit en nêrens heen ry nie. Die huis is perfek en het als wat jy benodig. Herman lewer die beste diens en is onmiddellik beskikbaar as jy hom benodig. Ons kom vir seker terug na die paradys van 'n plek.