Gerieflik, stil, natuurlewe, prag, boomryk, in 'n kloof, netjiese eenheid. Perseel is klein maar baie netjies met alles wat jy nodig het. Alles is daar, behalwe 'n klerekas, maar verstaanbaar met die eenheid se grootte. Genoeg hout word voorsien deur die eienaar, die plek is skoon en alles werk. Die "shower" en warm water geriewe werk met gas, asook 'n klein stoof vir kos voorbereiding saam met die braai. Die braaier is lekker groot en daar is ook 'n ingeboude kaggel (ons het dit nie gebruik nie, want dit is somer). Dit was oor die naweek gemiddeld 35 grade en die eenheid, omdat dit onder bome is, was koel en gerieflik. Dis relatief naby aan die teerpad, die grondpad soontoe is aanvaarbaar en kan met enige voertuig aangedurf word (net nie 'n Porsche nie), maar gewone voertuie is oke. Dis naby Haenertsburg, die Magoebaskloof + hotel en die natuur is pragtig. As julle net 2 is wat wil wegbreek vir die naweek, is dit 'n baie lekker klein romantiese plekkie. Daar is nie TV of WiFi nie, jy gaan soontoe om net weer stil te word.

N Wonderlike ervaring. Baie waardevolle wegbreek. Dit was n heerlike verblyf.

Rustig en stil. Van aankoms tot vertrek het alles seepglad verloop. Nicola is vriendelik en altyd bereid om te help, selfs met lastige oproepe. Alles was mooi netjies en skoon. Die kothuis is lekker warm, al was dit koud buite. Ons het nie eers nodig gehad om die verwarmer of kaggel te gebruik nie.

Die perfekte wegbreek: Snoesige verblyf in 'n pragtige omgewing. Die Croft Cottage was die ideale wegbreuk vir ons as 'n jong paartjie. Die eenheid is vreeslik netjies en goed toegerus, met 'n lekker snoesige atmosfeer, veral as die kaggeltjie aan die knetter is. Die huisie is pynlik netjies en skoon, met 'n ruim en funksionele badkamer. Die ligging van die eenheid is ook uitstekend, afgeleë van die groter samweling, maar sentraal tot meeste aanloklikhede rondom Haenertsburg en Magoebaskloof. Die bekende Zwakalala brouery is klipgooi, en die hartige restaurant Pot 'n Plow net om die draai. Inklok en uitklok was maklik en selfhelp, met duidelike instruksies. Dit het vir ons geen probleme veroorsaak nie. Boonop is daar ook addisionele veiligheid in die vorm van 'n alarmsisteem vir ons bang Gautengers. Die onmiddellike omgewing is pragtig en daar is soveel om te doen en te besigtig, en lieflike wandelpadjies op die perseel self. Die Croft Cottage is definitief goeie waarde vir geld, en ons kan dit met 'n geruste hart aanbeveel en sal vir seker weer terugkeer. Baie dankie.

Rus en vrede. Nicola was baie hulpsaam met informasie en het vinnig gereageer op vrae en boodskappe. The Croft Cottage was netjies, goed toegerus met alles wat nodig was en was rustig met ryk voëllewe en pragtige bome. Ons was in die tuine en sal dit graag in die lente wil sien. Julle water is baie lekker daar. Ons sal julle vir seker weer sien.

Wonderskoon, rustig, veilig en privaat. So lekker gebly! Ons is "opgradeer" na Meadow Cottage! Albeit cottages is pragtig, maar Meadow Cottage se ligging is beter omdat dit meer privaat is. Omgewing is wonderskoon!

Rustig afgesonder op die plaas en in die natuur. Lekker rustig in die natuur, maar nie te afgesonder nie. Dis lekker om 'n kombinasie van plaaslewe en natuur vroeg in die oggende te hoor. Ons het sommer gereeld voetgeslaan na die omliggende plase toe. Daar is ook heelwat om te doen in die omgewing binne 'n kort ryafstand.

Dadelik tuis gevoel in die gerieflike cottage! Ons het 'n onvergeetlike kuier op die plaas gehad! Daar is soveel pragtige wandelpaadjies en om langs die damme te gaan sit op een van die houtbankies was onbeskryflik mooi! Baie dankie!

Plek is netjies en die area is altyd mooi. Alles was piekfyn gewees.