Heerlike wegbreek! So gerieflik geleë, ons kon op die balkon sit vir ure en net na die mooi see kyk. Die woonstel is baie netjies en ruim. Sal beslis weer kom kuier!

Fantasties. Baie oulike plek, naby alles.

Was heerlik, sal net optel van sleutel verander. Sou ook toiletgeriewe in badkamers geplaas het vir eerste dag, want dit kan nie aangeskaf word by plaaslike winkels nie.

Rustigheid met 'n uitsig. Regtig 'n lekker plek naby alles wat jy nodig het, loopafstand van die strand. Die eenheid het ongelukkig nie 'n wasmasjien of tuimeldroër vir die handdoeke nie, so pak genoeg.

Heerlike, ontspanne atmosfeer. Netjies en gerieflik naby alles. Ons het heerlik gebly en die uistig is iets vir die boeke. Die woonstel was netjies met alles wat jy nodig het. Dis gerieflik naby die getypoel en strand met winkelsentrums nie ver van die woonstel af nie. Heerlike restaurante is ook naby en sal dit aanbeveel vir 'n heerlike vakansie.

Beste uitsig, ontspannend. Die woonstel was nie skoon gemaak gewees voor ons gekom het nie. Die skoonmakers kom binne sonder dat ons daar was. Vee die stoele af met domestos los dit nat en nou is ons klere vol domestos.

Goeie ligging. Hierdie eenheid kort dringend aandag. In vergelyking met die 2 ander eenhede waar ons al voorheen tuis gegaan het, steek nr 14 erg af. Die badkamers is netjies oorgedoen maar die res van die eenheid breek dit heeltemal af. Die voordeur moet vervang word, die kombuis moet definitief opgegradeer word, die meubels is oud, ek het my mors dood gegril vir hoe vuil die een stoel en die bank in die sitkamer is, om nie eers te praat van hoe ongemaklik die bank sit nie. Die kaste in die hoofslaapkamer lyk net so sleg soos die kaste in die kombuis om nie eers te praat van hoe die verf afdop onder die venster bank nie. n Stuk van die pleister is ook afgebreek op die kant van die venster bank. Ek dink eerlikwaar nie die plek is sy prys werd nie. Die eenheid se goeie ligging maak nie op vir die toestand waarin die eenheid is nie. Al wat ek kan prys is die persoon wat die verhuring behartig. Dankie Boeta.