The Boat House

Selfsorg

Kapasiteit: 8 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Edwards-straat 2504, Bettysbaai, 7141, Wes-Kaap
Vanaf R3 000 per nag, vir 8 mense

Beskrywing

The Boat House is 'n selfsorghuis met pragtige uitsigte oor die meer en berge in Bettysbaai. Hierdie huis is 'n ideale keuse vir vriende en familie wat op soek is na 'n ontspanne vakansie wegbreek.

Dié eiendom bied slaapplek aan tot 8 gaste in 4 slaapkamers en 2 badkamers. Die eerste slaapkamer is ingerig met 'n koninggrootte-bed en het toegang tot 'n en suite-badkamer wat met 'n stort, wasbak en toilet toegerus is. Die tweede en derde slaapkamers is albei ingerig met 'n koningingrootte-bed, terwyl die vierde slaapkamer met 2 enkelbeddens ingerig is. Die gedeelde badkamer het 'n stort, wasbak en toilet.

Die oopplan-kombuis is toegerus met 'n yskas-vrieskas, gasstoof, oond, mikrogolf, eetgerei en breekware, wasmasjien, skottelgoedwasser en etenstafel. Die sitkamer is ingerig met gemaklike sitplek, 'n TV (bring jou eie dekodeerder) en 'n binnenshuise kaggel. Aan die voorkant het die leefarea groot glasdeure wat uitloop op 'n houtdek wat uitkyk oor Bass Lake, terwyl die agterdeur uitloop op 'n onderdakstoep wat ingerig is met gemaklike buitemeubels, 'n etenstafel en 'n ingeboude braai. Toegang tot Wi-Fi is beskikbaar.

Gaste het toegang tot 'n enkelmotorhuis en parkeerplek van die straat af. Hierdie eiendom is ongeveer 600 m van die hoofstrand af en 140 m van Bass Lake af waar gaste kan swem, kanovaart en opstaan-roeiplankry.

Kry ’n Kwotasie