The Bridge 18

Selfsorg

Kapasiteit: 4 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: McKenzie-straat 22, St. Lucia, 3936, KwaZulu-Natal
Vanaf R1 450 per nag (plek vir 4)

Beskrywing

The Bridge 18 is 'n lieflike selfsorgwoonstel in St. Lucia in 'n kompleks met pragtige tuine langs die riviermond.

Hierdie eenheid is geskik vir 4 gaste op 'n slag en het 2 kamers elk met lugversoring, en 'n badkamer. Die eerste slaapkamer het 'n koningingrootte-bed en die tweede slaapkamer het 2 enkelbeddens. Daar is 'n bad, stort, wasbak en 'n toilet in die badkamer. Linne en badhanddoeke word voorsien.

Die hoofleefarea is ruim en het 'n oopplan-ontwep met hoë plafonne. Die kombuis is met 'n stoof, oond, mikrogolfoond, yskas-vrieskas, eetgerei, breekware en tee- en koffiemaakgeriewe toegerus. Die eetarea is langs die kombuis met 'n klein ronde tafel en 4 stoele. Die leefarea het gemaklike sitplekke, bordspeletjies en 'n TV met Netflix en Amazon Prime. Daar is gratis WiFi.

Die huis het 'n batterystelsel wat aan die WiFi en TV gekoppel is sodat jy Netflix en Amazon Prime kan geniet terwyl die krag af is. Daar is ook 'n instaangasstofie tot gaste se beskikking.

Die skuifdeure lei na die beskutte stoep met buitemeubels en dit spog met 'n lieflike uitsig oor die tuin en die swembad. Braaigeriewe is beskikbaar.

Die kompleks het 'n gemeenskaplike swembad, braaigeriewe, 'n tennisbaan en 'n muurbalbaan. Saans besoek seekoeie en ratels die kompleks en gaste kan die verskeie voëlspesies verken.

Kry ’n Kwotasie