The Log House

Selfsorg

Kapasiteit: 6 persone
Alle ouderdomme is welkom
Inkloktyd: 14:00 tot 23:00
Uitkloktyd: 10:00
Adres: Langs die R43, Pearly Beach, Gansbaai, 7220, Wes-Kaap
Vanaf R2 000 per nag (plek vir 6)

Beskrywing

The Log House is in die idilliese kusdorpie Pearly Beach geleë. Dit is 'n bekoorlike selfsorghut wat met 'n asemrowende stranduitsig spog. Hierdie huis is perfek vir die hele gesin of 'n groep vriende wat op soek is na 'n rustige toevlugsoord.

Dié smaakvol ontwerpte huis bied slaapplek aan 6 gaste en beskik oor 3 slaapkamers en 3 badkamers. Die eerste en tweede slaapkamers het elk 'n koninggrootte-bed en 'n en suite-badkamer met 'n bad, stort, toilet en 'n wasbak. Hierdie slaapkamers het 'n kaggel en spog met 'n uitsig oor die see. Die laaste slaapkamer het 2 enkelbeddens en 'n en suite-badkamer met 'n stort, toilet en 'n wasbak. Gehaltelinne en badhanddoeke word voorsien, maar gaste moet hul eie strandhanddoeke saambring.

Die oopplan-leefarea beskik oor 'n sitarea, eetarea en 'n kombuis. Die kombuis is met 'n gasstoof, yskas-vrieskas, koffie- en teemaakgeriewe, eetgerei en breekware toegerus. Die sitarea het 'n gerieflike sitkamerstel, koffietafel en 'n ingeboude braai. Die eetarea het 'n etenstafel met sitplek vir 8.

Wanneer gaste die skuifdeure oopmaak kan hul in die rustige skoonheid van die welige tuin ontspan en 'n lieflike buitelug-eetervaring op die stoep geniet. Hiér kan gaste deur 'n asemrowende see-uitsig betower word. Hierdie huis bied direkte toegang tot die strand. Gaste kan wateraktiwiteite soos visvang en swem geniet of net op die strand stap.

Kry ’n Kwotasie