Beskrywing

The Sails G4 is 'n selfsorgwoonstel wat in 'n veilige woonstelblok in Durban se middestad geleë is. Die woonstel is ideaal vir 1 of 2 persone wat op soek is na gerieflike oornagplek naby verskeie besienswaardighede by die hawe.

Hierdie woonstel het 2 enkelbeddens, en 'n badkamer met 'n stort. Die kombuis is met 'n yskas, 'n mikrogolfoond, 'n oond en 'n stoof toegerus. Die sitarea bied gemaklike sitplek en toegang tot 'n balkon wat 'n lieflike uitsig oor die omgewing en dele van die hawe het.

Die gebou bied 'n gemeenskaplike swembad, 'n gimnasium en veilige parkeerplek met 24 uur-sekuriteit op die perseel. The Sails G4 is 200 meter van Ushaka Marine World af en dis lekker naby restaurante, winkels, die Durban ICC en South Beach geleë.