Beskrywing

Treehouse Cottage is in Ashlands geleë wat eers deel van Ashlands Plaas gevorm het. Ashlands is 'n plattelandse landgoed in die inheemse woud in Askopstraat, The Crags. The Crags is tussen Nature's Valley en Plettenbergbaai geleë, en is seker dié mooiste deel van die Tuinroete. Treehouse Cottage is die ideale kunstenaarsparadys vir 'n paartjie of jong gesin wat naby Plettenbergbaai se doendinge wil wees, maar steeds ver genoeg om die natuurlike omgewing te geniet.

Die kothuis is deel van die plaaslike kunstenaars, Sally Rush en Margaret Knight, se huis met 'n aparte ingang en veilige parkeerplek. Sally en Margaret bestuur hulle kunstenaarsateljee van hulle huis af. Aangesien hulle so lief is vir voëls, lok hulle al jare lank voëls na dié area, so daar is baie voëls!

Dié bekoorlike oopplan-kothuis kan tot 2 volwassenes en 2 kinders akkommodeer. Dit het 'n oopplan-uitleg en daarom is dit net geskik vir 'n gesin. Daar is 'n dubbelbed en 2 enkelbeddens wat geskik is vir kinders. Die moderne badkamer het 'n stort. Die eenheid bied slaapplek aan maksimum 2 volwassenes en 2 kinders.

Die kothuis het 'n kombuisie met 'n tweeplaatstoof, mikrogolfoond en 'n yskassie. Dit het 'n klein leefarea met 'n TV en 'n DStv-dekodeerder. Daar is ook 'n plafonwaaier, 'n verwarmer en 'n elektriese kombers om gaste se gerief regdeur die jaar te verseker. Die pragtige houtdek kyk uit oor die inheemse woud en bied braaigeriewe in 'n Weber. Daar is 'n outomatiese hek waarvan 'n afstandbeheer aan jou besorg sal word.

Gratis WiFi is ook nou beskikbaar.

Let asb. op dat Matric Plett RAGE-besprekings nie aanvaar word nie, aangesien ons te ver van die venue af is.