Beskrywing

TygerWaterfront Penthouse is in Bellville geleë en is 'n luukse selfsorg-dubbelverdiepingdakwoonstel wat volledig toegerus is. Dié woonstel kan vir 'n kort- of langtermynverblyf gehuur word en is geskik vir sakereisigers en toeriste.

Die dakwoonstel is elegant gemeubileer om gerieflike, netjiese verblyf te bied. Die dubbelverdiepingdakwoonstel het slaapplek vir 4 gaste. Die hoofslaapkamer is op die boonste verdieping en beskik oor lugversorging, 'n koningingrootte-bed, 'n badkamer en 'n sitkamer. Die sitkamer het skuifdeure wat na 'n patio met stoepmeubels lei met 'n pragtige uitsig.

Die tweede slaapkamer, oopplan-kombuis, -eetarea en leefarea is op die onderste verdieping. Die tweede slaapkamer het 'n koningingrootte-bed. Die kombuis is ten volle toegerus vir selfsorg en het 'n stoof en oond, yskas-vrieskas, wasmasjien-tuimeldroër en ontbyttoonbank met stoele. Daar is ook 'n etenstafel met sitplek. Die sitkamer het 'n platskerm-slim-TV met Netflix, Amazon Prime, Showmax en DStv, en daar is skuifdeure wat na 'n balkon lei. Daar is 'n aparte kantoor-area met 'n lessenaar en gratis WiFi.

Een veilige onderdakparkeerplek is vir die woonstel gereserveer. Dié kompleks het 24 uur-sekuriteit en -toegangsbeheer.

Die TygerValley Waterfront het 'n kombinasie van eksklusiewe-, kommersiële- en residensiële-eiendom wat in Kaapstad-Noord geleë is. Dit is om 'n ou steengroef met 'n mensgemaakte meer en waterval gebou. Dié moderne geboue langs die waterkanale is 'n groot besienswaardigheid want dit herinner gaste aan Kaapstad se 'regte' waterfront.