Villa Juné

Selfsorg

Kapasiteit: 6 persone
Geen kinders onder 13
Inkloktyd: 14:00 tot 19:00
Uitkloktyd: 10:00
Adres: Langs die R511, Wag 'n Bietjie Draai, Thabazimbi, 0380, Limpopo
Vanaf R4 550 per nag (plek vir 6)

Beskrywing

Villa Juné is 'n pragtige vakansievilla in die hartjie van die bosveld in Thabazimbi. Hierdie versteekte juweel is ideaal vir 'n rustige wegbreek, aangesien die verblyf spog met 'n kontemporêre ontwerp en 'n plonspoel.

Dié villa bied gerieflike slaapplek aan 6 gaste en beskik oor 3 slaapkamers en 2 badkamers. Die eerste 2 slaapkamers het 'n koningingrootte-bed en 'n en suite-badkamer met 'n stort. Die derde slaapkamer het 2 enkelbeddens. Gehaltelinne en badhanddoeke word voorsien.

Die oopplan-leefarea het lugversorging en beskik oor 'n kombuis wat met 'n gasstoof, elektriese oond, lugbraaier, mikrogolfoond, yskas-vrieskas, eetgerei en breekware, asook 'n toonbank toegerus is. Die kombuis lei na 'n sitarea met gemaklike sitplek. Gratis WiFi is beskikbaar.

Buite is daar 'n onderdakstoep met 'n etenstafel en 'n ingeboude braai wat 'n wonderlike plek is vir 'n skemerkelkie terwyl die vuur brand. Hierdie stoep lei na 'n plonspoel waar gaste die son kan geniet.

Kry ’n Kwotasie