Villa on Sea

Selfsorg

Kapasiteit: 6 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Tiendestraat, B17, Shelley Point, St. Helenabaai, 7382, Wes-Kaap
Vanaf R2 900 per nag (plek vir 6)

Beskrywing

Villa on Sea is 'n pragtige selfsorg-vakansiehuis op die Shelley Point Golf and Beach Estate in St. Helenabaai in 'n doodloopstraat, net 50 m vanaf die strand via 'n promenade. Die dubbelverdieping-meenthuis is 'n ontspannende toevlugsoord met toegang tot al die landgoed se geriewe en besienswaardighede.

Die huis bied slaapplek aan 6 gaste en beskik oor 3 slaapkamers en 2 badkamers. Die hoofslaapkamer het 'n koningingrootte-bed en 'n en suite-badkamer met 'n bad. Die tweede slaapkamer het 'n dubbelbed en daar is 2 enkelbeddens in die derde slaapkamer. Gaste in hierdie slaapkamers deel 'n aparte badkamer met 'n bad en 'n stort. Twee van die slaapkamers het ook see-uitsigte en 'n gedeelde balkon.

Die kombuis is met 'n skottelgoedwasser, yskas-vrieskas, stoof, mikrogolfoond, lugbraaier, broodrooster toegerus en daar is nog 'n vrieskas in die motorhuis. Die oopplan-leefarea het gemaklike sitplek en 'n TV met DStv-kanale. WiFi is beskikbaar. Verder is daar 'n binnebraai wat ook as 'n kaggel dien en 'n binnehof. Parkeerplek is in 'n enkelmotorhuis bskikbaar en daar is plek vir nog 2 voertuie op die perseel.

Villa on Sea is gerieflik naby plaaslike winkels en restaurante en nabygeleë besienswaardighede sluit Lighthouse Shelly Point, Jean-Michael's Pool en die Shelley Point Gholfklub in. Die landgoed bied bykomende geriewe soos 'n swembad, restaurante en tennisbane.

Kry ’n Kwotasie